Homeຂ່າວພາຍ​ໃນຫຼວງພະບາງ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ ສສ ຫວຽດນາມ ຈຳນວນ 1 ຕື້ດົງ

ຫຼວງພະບາງ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ ສສ ຫວຽດນາມ ຈຳນວນ 1 ຕື້ດົງ

Published on

ຍ້ອນເກີດມີພະຍຸ ຫຼາຍຫົວ ເປັນຕົ້ນແມ່ນ ພະຍຸຢາກິ ໄດ້ພັດເຂົ້າປະເທດຫວຽດນາມ ແລະບັນດາປະເທດໃກ້ຄຽງ ໃນເດືອນກັນຍາ ນີ້ ເຮັດໃຫ້ ເກີດໄພນໍ້າຖ້ວມ ຢູ່ຫຼາຍແຂວງ, ຫຼາຍເມືອງຂອງ ປະເທດ ຫວຽດນາມ ສົ່ງຜົນກະທົບ ຕໍ່ອາຄານບ້ານເຮືອນ ແລະ ຊັບສິນຂອງປະຊາຊົນ ຫຼາຍແຂວງ ໃນປະເທດຫວຽດນາມ, ໂດຍສະເພາະແມ່ນແຂວງກວາງນິ່ງ, ເຊິນລາ, ທ້າຍຫງວຽນ, ລາວກາຍ ແລະແຂວງອຽນບ້າຍ, ທີ່ໜັກໄປກວ່ານັ້ນ ແມ່ນມີຜູ້ເສຍຊີວິດ ແລະ ອາຄານບ້ານເຮືອນເປ່ເພເສຍຫາຍ ເປັນຈໍານວນຫຼາຍ.

May be an image of 9 people and text

ຕໍ່ກັບເຫດການດັ່ງກ່າວນີ້ ອົງການປົກຄອງແຂວງຫຼວງພະບາງ ຈິ່ງໄດ້ນໍາເງິນມູນຄ່າ 1 ຕື້ດົ່ງ, ໄປຊ່ວຍຜູ້ປະສົບໄພດັ່ງກ່າວ, ໂດຍແມ່ນ ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ຕາງໜ້າມອບ ແລະ ຕາງໜ້າຮັບໂດຍ ທ່ານ ນາງ ກ່ຽວທິ ຮັງຟຸກ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອ ແລະ ຄະນະຮ່ວມຮັບ.​ ສໍາລັບເງິນດັ່ງກ່າວແມ່ນ ຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງກວາງນິ່ງ 300.000.000 ດົ່ງ, ເຊີນລາ 200.000.000 ດົ່ງ, ທ້າຍຫງວຽນ 200.000.000 ດົ່ງ, ລາວກາຍ 200.000.000 ດົ່ງ ແລະ ແຂວງອຽນບ້າຍ 100.000.000 ດົ່ງ.

May be an image of 3 people, dais and text

ໂອກາດນີ້ທ່ານ ເຈົ້າແຂວງຫຼວງພະບາງ ກໍໄດ້ກ່າວສະແດງຄວາມເສຍໃຈ ແລະ ເປັນຫ່ວງເປັນໃຍ ຕໍ່ຜູ້ປະສົບໄພນໍ້າຖ້ວມຈາກໄພພິບັດທາງທໍາມະຊາດຄັ້ງນີ້ ແລະຂໍໃຫ້ຜູ້ປະສົບໄພ ຈົ່ງຜ່ານພົ້ນວິກິດດັ່ງກ່າວໄປໄດ້ດ້ວຍດີ.
ການປະກອບສ່ວນຊ່ວຍເຫຼືອຄັ້ງນີ້ເຖິງວ່າເປັນຈຳນວນບໍ່ຫຼາຍ ແຕ່ກໍເປັນການປະກອບສ່ວນໝົດຈິດໝົດໃຈເຕັມໄປດ້ວຍນ້ຳໃຈຂອງແຂວງຫຼວງພະບາງ.

May be an image of 9 people, dais and text

ຈາກນັ້ນ, ທ່ານ ນາງ ກ້ຽວ ທິ ຮັງຟຸກ ຕາງໜ້າລັດຖະບານ ແລະ ປະຊາຊົນ ຫວຽດນາມ ກ່າວຂອບໃຈຕໍ່ກັບການຊ່ວຍເຫຼືອຄັ້ງນີ້ ແລະ ພ້ອມເສີມຂະຫຍາຍການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດໃຫ້ຢືນຍົງທະນົງແກ້ນຕະຫຼອດໄປ.

ຂ່າວ: Media Laos

ບົດຄວາມຫຼ້າສຸດ

ຂ່າວດີ! ພົບຊ້າງປ່າ ເຈົ້າໜ້າທີ່ປ່າສະຫງວນແຫ່ງຊາດນໍ້າປຸຍ  ແຂວງໄຊຍະບູລີ ພົບເຫັນ ແລະ ຖ່າຍຮູບພາບຊ້າງປ່າ ໃນຂະນະລົງປະຕິບັດກິດຈະກໍາໂຄງການ

ພາບຊ້າງປ່າທີ່ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເຊິ່ງຖ່າຍໄດ້ຈາກທີມງານໂຄງການ ແລະ ເຈົ້າໜ້າທີ່ປ່າສະຫງວນ ໃນຂະນະລົງປະຕິບັດກິດຈະກໍາໂຄງການ ໃນວັນທີ 10/06/2026 ທີ່ຜ່ານມາ. ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເປັນຖິ່ນອາໄສອັນດັບຕົ້ນໆຂອງປະເທດລາວ ທີ່ມີຊ້າງປ່າອາຊີ ອາໄສຢູ່, ແລະ...

ວາງແຜນຮັບມືໄພນໍ້າຖ້ວມ ຄຄນຊ ກຽມພ້ອມການຄຸ້ມຄອງບໍລິຫານຈັດການນໍ້າ ເພື່ອຮັບປະກັນການປ້ອງກັນ ແລະ ຫຼຸດຜ່ອນຜົນກະທົບຈາກໄພນໍ້າຖ້ວມໃນປີ 2026

ກອງປະຊຸມຄະນະກຳມະການຄຸ້ມຄອງນໍ້າແຫ່ງຊາດ (ຄຄນຊ) ຄັ້ງທີ II ຈັດຂຶ້ນໃນວັນທີ 11 ມິຖຸນາ 2026 ຜ່ານມາ, ຢູ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ລິນຄຳ ດວງສະຫວັນ...

ເຊື່ອມຕໍ່ເສັ້ນທາງລົດໄຟເຂົ້າກັບແລວສາກົນ ກະຊວງ ຍທຂ ຮ່ວມລົງນາມເປັນສະມາຊິກ ແລວທາງລົດໄຟໝາຍເລກທີ 2 ເຊື່ອມຕໍ່ 6 ປະເທດ ລາວ, ຫວຽດນາມ, ຈີນ, ກາຊັກສະຖານ, ຣັດເຊຍ ແລະ ເອສໂຕນີ

ວັນທີ 11-12 ມິຖຸນາ 2026 ຄະນະຜູ້ແທນ ກະຊວງໂຍທາທິການ ແລະ ຂົນສົ່ງ ນຳໂດຍ ທ່ານ ງາມປະສົງ ເມືອງມະນີ ຮອງລັດຖະມົນຕີ ກະຊວງໂຍທາທິການ...

ຄວ້າແຊ້ມໂລກກັບບ້ານ ທັບນາຄານ້ອຍ (W.I.G NAGA) U-10 ຕົວແທນໜຶ່ງດຽວຈາກ ສປປ ລາວ ຄວ້າແຊ້ມລະດັບໂລກ

WIG NAGA U10 ປີ ເອົາຊະນະ VALENCIA FC ຈາກປະເທດສະເປນ 2-1 ປະຕູຄວ້າແຊ້ມໃນການແຂ່ງຂັນລາຍການ MIC Football 7 ທີ່ເມືອງຄາຕາໂລເນຍ,...