ສຳນັກຂ່າວຕ່າງປະເທດລາຍງານໃນວັນທີ 16 ກັນຍາ 2024 ນີ້ວ່າ: ຈຳນວນຜູ້ເສຍຊີວິດຈາກເຫດການນ້ຳຖ້ວມ ແລະ ດິນຖະຫຼົ່ມໃນມຽນມາເພີ່ມຂຶ້ນຢ່າງນ້ອຍ 113 ຊີວິດ ຜູ້ສູນຫາຍອີກ 64 ຄົນ ແລະ ໄດ້ອົບພະຍົບປະຊາຊົນແລ້ວຫຼາຍກວ່າ 320,000 ຄົນ ໄປຢູ່ທີ່ພັກຊົ່ວຄາວ.
ຕາມການລາຍງານຂອງສື່ມຽນມາໄດ້ລະບຸວ່າ: ຝົນທີ່ຕົກລົງມາຢ່າງໜັກກຳລັງສົ່ງຜົນກະທົບໃນຫຼາຍພື້ນທີ່ໃນພາກາກງຂອງປະເທດ ລວມເຖິງລັດກະຍາ, ລັດກະຫຼ່ຽງ, ພາກມັກທະເລ, ລັດມອນ ແລະ ລັດຊານ ມີບ້ານເຮືອນຖືກທຳລາຍ ລື ໄດ້ຮັບຄວາມເສຍຫາຍເກືອບ 66,000 ຫຼັງເຊັ່ນດຽວກັນກັບໂຮງຮຍນວັດ 375 ແຫ່ງ ຫົນທາງຍາວຫຼາຍກິໂລແມັດ ແລະ ໂຄງສ້າງພຶ້ນຖານອື່ນໆຖືກນ້ຳຖ້ວມທຳລາຍຈົນໜົດ.
ນອກຈາກນີ້ພະຍາກອນອາກາດຄາດວ່າ ພາຍຸ ຢາກິ ຈະເຄື່ອນຕົວອອກຈາກມຽນມາພຽງບໍ່ເທົ່າໃດມື້ ແຕ່ໃນຂະນະດຽວກັນເຈົ້ານ້າທີ່ຄາດວ່າ ພາຍຸດີເປຊັນໂຊນຮ້ອນອີກລູກຈະກໍ່ຕົວຂຶ້ນໃນພຶ້ນທີ່ທາງຕາເວັນຕົກຂອງມະຫາສະມຸດແປຊີຟິກໃນອາທິດນີ້.
ແຫຼ່ງຂ່າວ: ໄທລັດ