ແຂວງຄຳມ່ວນອອກແຈ້ງການ ເຖິງບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ກ່ຽວກັບການກະກຽມຮັບມືກັບສະພາບໄພນໍ້າຖ້ວມ ທີ່ອາດຈະເກີດຂຶ້ນພາຍໃນແຂວງຄໍາມ່ວນ.
ແຂວງຄໍາມ່ວນ ແຈ້ງການມາຍັງ ບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ໂດຍສະເພາະແມ່ນບັນດາເມືອງ ແລະ ປະຊາຊົນທີ່ອາໃສຢູ່ລຽບ ຕາມແຄມແມ່ນ້ໍາຂອງ ແລະ ສາຂາແມ່ນໍ້າຕ່າງໆ ພາຍໃນແຂວງຄໍາມ່ວນ ຈົ່ງໄດ້ເອົາໃຈໃສ່ຕິດ ຕາມ, ເຝົ້າລະວັງຢ່າງໃກ້ຊິດ ກ່ຽວກັບ ສະພາບນ້ໍາຂອງ ແລະ ແມ່ນ້ໍາສາຂາຕ່າງໆ ຢູ່ພາຍໃນ ແຂວງຄໍາມ່ວນ, ເນື່ອງຈາກວ່າມວນບັນດາແຂວງພາກເຫນືອ ແລະ ນະຄອນຫຼວງວຽງຈັນ ຍັງຈະໄຫຼລົງມາຜ່ານແຂວງຄໍາມ່ວນ ອາດຈະເກີດມີນໍ້າຖ້ວມໃນ 2-3 ວັນຂ້າງຫນ້າ.
ສະນັ້ນ, ໃຫ້ບັນດາທ່ານເຈົ້າເມືອງ, ຄະນະຮັບຜິດຊອບໂພພິບັດຂັ້ນເມືອງ ແລະ ອົງການ ປົກຄອງບ້ານ ແຈ້ງເຕືອນປະຊາຊົນຢູ່ຕາມບ້ານຊ່ອງ ເພື່ອກຽມຄວາມພ້ອມຮັບມືກັບສະພາບດັ່ງ ກ່າວ, ພ້ອມນັ້ນໃຫ້ບັນດາເມືອງ ກະກຽມເຄື່ອງມືອຸປະກອນ, ພາຫະນະ ແລະ ກໍາລັງປະຈໍາການ ເພື່ອເຂົ້າຊ່ວຍເຫຼືອປະຊາຊົນໃນບ່ອນທີ່ມີນໍ້າຖ້ວມ ເພື່ອຫຼີກເວັ້ນບໍ່ໃຫ້ມີຜົນເສຍຫາຍທາງດ້ານຊີ ວິດ ແລະ ຊັບສິນຂອງພໍ່ແມ່ປະຊາຊົນ, ດັ່ງນັ້ນ, ຈຶ່ງແຈ້ງການມາເພື່ອຊາບ ແລະ ພ້ອມກັນເອົາໃຈໃສ່ຈັດຕັ້ງປະຕິບັດຢ່າງເຂັ້ມງວດ.