ສຳນັກຂ່າວຕ່າງປະເທດລາຍງານຈາກກຸງຮ່າໂນຍ ປະເທດຫວຽດນາມ ໃນວັນທີ 9 ກັນາຍາ 2024 ນີ້ວ່າ, ສຳນັກຂ່າວສານແຫ່ງຊາດຫວຽດນາມ VNA ລາຍງານວ່າ: ຈຳນວນຜູ້ເສຍຊີວິດພາຍໃນປະເທດຈາກອິດທິພົນຂອງຊຸບເປີໄຕ້ຝຸ່ນຢາກິ ເພີ່ມເປັນຢ່າງນ້ອຍ  ຄົນແລະ ຜູ້ໄດ້ຮັບບາດເຈຫບຫຼາຍກວ່າ  ຄົນ ຂະນະທີ່ບ້ານເກືອບ 3,300 ຫຼັງ ແລະ ພຶ້ນທີ່ກະສິກຳຫຼາຍກວ່າ 120,000 ເຮັກຕາໄດ້ຮັບຄວາມເສຍຫາຍ ເຊິ່ງສ່ວນໃຫຍ່ເປັນທາງພາກເໜືອ ລວມເຖິງໃນນະຄອນຫຼວງຮ່າໂນຍ.

ທາງດ້ານສຳນັກງານອຸຕຸນິຍົມວິທະຍາແຫ່ງຊາດຂອງຫວຽດນາມລາຍງານວ່າ: ພາຍຸຢາກິ ກຳລັງອ່ອນແຮງລົງຢ່າງຕໍ່ເນື່ອງຈົນເປັນພາຍຸດີເປຊັ່ນເຂດຮ້ອນ ແລ້ວ ແຕ່ຍັງມີການປະກາດການເຕືອນໄພຄວາມສ່ຽງຂອງການເກີດນ້ຳຖ້ວມ ແລະ ດິນຖະຫຼົ່ມ.

ທັງນີ້ພາຍຸຢາກິຂຶ້ນຝັ່ງບໍລິເວນລະຫວ່າງເມືອງໄຮຟອງ ແລະ ແຂວງກວາງນິງ ທາງພາກເໜືອຂອງຫວຽດນາມ ເມື່ອວັນເສົາທີ່ຜ່ານມາ ແລະ ຈັດພັດເຂົ້າທາງພາກເໜືອລາວເຊັ່ນດຽວກັນ, ເຊິ່ງຫຼ້າສຸດຈາກລາຍງານຂອງກົມອຸຕຸນິຍົມ ແລະ ອຸທົກກະສາດຂອງລາວລາຍງານວ່າ: ໃນຕອນນີ້ທາງພາກເໜືອຍັງມີຝົນຕົກໜັກ ແລະ ເຂື່ອນໄດ້ທຳການປ່ອຍນ້ຳອອກ ດັ່ງນັ້ນຈຶ່ງແຈ້ງເຕືອນພໍ່ແມ່ປະຊາຊົນໃຫ້ກຽມພ້ອມກັບສະຖານະການສຸກເສີນທີ່ໃກ້ຈະມາຮອດນີ້.