ໃນວັນທີ 6 ກັນຍາ 2024, ພະແນກຈະລາຈອນ ປກສ ແຂວງບໍ່ແກ້ວ ໄດ້ທຳລາຍສິ້ນສ່ວນລົດທີ່ດັດແປງສະພາບເຕັກນິກ ແລະ ປ້າຍລົດທີ່ບໍ່ຖືກຕ້ອງ.
ພັຕ ທັດສະພອນ ຄຳມຸງຄຸນ ຮອງຫົວໜ້າພະແນກຈະລາຈອນ ປກສ ແຂວງ ບໍ່ແກ້ວ ໃຫ້ຮູ້ວ່າ: ອຸປະກອນແຕ່ງລົດ ແລະ ປ້າຍລົດ ທີ່ນຳມາທຳລາຍຖິ້ມນີ້ແມ່ນໄດ້ມາຈາກລົດທີ່ນຳມາເສຍພາສີ ຈາກຕ່າງແຂວງ ແລະ ພາຍໃນແຂວງ ແລະ ໄດ້ມາຈາກລົດຈັກທີ່ດັດແປງສະພາບ.
ເຊິ່ງມີສິ້ນສ່ວນຫຼາຍລາຍການຄື: ປ້າຍລົດໃຫຍ່ປະເພດລົດບຸກຄົນ (ປ້າຍເຫຼືອງ) 150 ຄູ່, ປ້າຍທຸລະກິດ (ປ້າຍຂາວ) 50 ຄູ່ ແລະ ໂຊບອັບແຕ່ງລົດຈັກ 36 ອັນ, ລາງລົດຈັກລາງນ້ອຍ 110 ອັນ, ຢາງໜ້ອຍ 110 ເສັ້ນ, ໄຟສີ 15 ດອກ, ທໍ່ດັງແຮງ 45 ອັນ.
ຂ່າວ: ຄວາມສະຫງົບ.