ສຳນັກຂ່າວຕ່າງປະເທດລາຍງານໃນວັນທີ 2 ກັນຍາ 2024 ນີ້ວ່າໂຮງຮຽນເອກະຊົນໃນອັງກິດເປີດການຮຽນການສອນໂດຍໃຊ້ເອໄອ (AI) ສອນແທນຄູທີ່ເປັນມະນຸດເປັນຄັ້ງທຳອິດ ໂດຍເຊື່ອວ່າເທັກໂນໂລຍີສຸດລ້ຳນີ້ຈະຊ່ວຍເພີ່ມຄວາມຖືກຕ້ອງ ແລະ ກົງກັບຄວາມຕ້ອງການຂອງນັກຮຽນຫຼາຍຂຶ້ນ.
ການໃຊ້ເອໄອຫຼືປັນຍາປະດິດມາທົດແທນທີ່ຄູ ກຳລັງຈະເກີດຂຶ້ນໃນໂຮງຮຽນເອກະຊົນ ເດວິດ ເກມ ຄຳເລດ ໃນກຸງລອນດອນ ໂດຍຈະໃຊ້ສອນສຳລັບເດັກນ້ອຍອາຍຸ 14-16 ປີ ຫຼື ຊັ້ນຮຽນມັດທະຍົມຕອນປາຍ ໂດຍຈະເລີ່ມການຮຽນການສອນພິເສດໃນເດືອນກັນຍາ 2024ນີ້.
ໂດຍລະບົບເອໄອຈະຮຽນຮູ້ວ່ານັກຮຽນເກັ່ງໃນດ້ານໃດ ແລະ ຕ້ອງການຄວາມຊ່ວເຫຼືອຫຍັງເພີ່ມເຕີມຈາກນັ້ນຈະປັບແຜນການສອນສຳລັບພາກຮຽນດັ່ງກ່າວ ເຊິ່ງໃນຫົວຂໍ້ທີ່ນັກຮຽນມີຄວາມເຂົ້າໃຈຢູ່ແລ້ວຈະຖືກນຳໄປສອນຊ່ວງປາຍພາກ ເພາະບໍ່ຕ້ອງໃຊ້ເວລາດົນ ໃນຂະນະທີ່ຫົວຂໍ້ທີ່ເດັກຍັງມີຄວາມອ່ອນຈະຖືກປັບຂຶ້ນມາສອນກ່ອນ ແລະ ເພີ່ມການສອນໃຫ້ຫຼາຍຂຶ້ນ ເພື່ອແກ້ໄຂຈຸດອ່ອນໃຫ້ເໝາະສົມ.
ຜູ້ອຳນວຍການໂຮງຮຽນດັ່ງກ່າວໄດ້ລະບຸວ່າ: ຍັງມີຄູທີ່ເກັ່ງອີກຫຼາຍ ແຕ່ກໍຍັງມີຂໍ້ຜິດພາດ ແລະ ບໍ່ສາາດທີ່ຈະຮູ້ວ່າເດັກແຕ່ລະຄົນມີປັນຫາການຮຽນໃນເລື່ອງໃດແດ່ ເນື ່ອງຈາກມີນັກຮຍນທີ່ຕ້ອງດູແລເປັນຈຳນວນຫຼາຍ ສຳລັບນັກຮຽນທີ່ຈະລົງຮຽນວິຊາດັ່ງກ່າວຈະຕ້ອງເສຍຄ່າເທີມປະມານ 27,000 ປອນ ຫຼື ປະມານເກືອບ 850 ລ້ານກີບຕໍ່ປີ.
ຢ່າງໃດກໍຕາມຫຼັງຈາກທີ່ມີຂ່າວອອກມາກໍເກີດກະແສວິພາກວິຈານ ແຕ່ທາງໂຮງຮຽນຢືນຢັນວ່າຈະບໍປ່ອຍໃຫ້ນັກຮຽນຮຍນຮູ້ຈາກເອໄອພຽງຢ່າງດຽວເພາະຈະມີຄູຕິດຕາມເພີ່ມອີກ 3 ຄົນທີ່ຄອຍດູແລພຶດຕິກຳຂອງນັກຮຽນຢູ່ແບບຫ່າງໆ.