ການແຂ່ງຂັນຄັ້ງນີ້, ຈັດຂຶ້ນລະຫວ່າງວັນທີ 22-30 ສິງຫາທີ່ຜ່ານມາ, ທີ່ໂຮງແຮມແລນມາກ ນະຄອນຫຼວງວຽງຈັນ, ໂດຍມີນັກກິລາເກືອບ 200 ຄົນຈາກ 12 ຊາດເຂົ້າຮ່ວມຄື: ບຣູໄນ, ອິນໂດເນເຊຍ, ມຽນມາ, ມາເລເຊຍ, ຟີລິບປິນ, ສິງກະໂປ, ໄທ, ຫວຽດນາມ, ສປປ ລາວ (ເຈົ້າພາບ).
ພ້ອມກັນນີ້, ຍັງມີນັກກິລາຈາກຈີນ, ປະເທດນິວຊີແລນ ແລະ ຣັດເຊຍ. ຊີງໄຊທັງໝົດ 12 ລາຍການຄື: ປະເພດຊາຍ ຮຸ່ນອາຍຸ 8-10 ປີ, U12, U14, U16, U18-20 ປີ, ປະເພດຍິງ ຮຸ່ນອາຍຸ 6-8 ປີ, U10, U12, U14, U16, U18-20 ປີ ແລະ ຮຸ່ນອາຍຸ 50 ປີຂຶ້ນໄປ.
ຜ່ານການແຂ່ງຂັນປາກົດວ່າ: ສສ ຫວຽດນາມ ຄອງອັນດັບ 1 ໄດ້ມາ 116 ຫຼຽນຄຳ, 43 ຫຼຽນເງິນ ແລະ 51 ຫຼຽນທອງ (ລວມ 210 ຫຼຽນ).
-ອັນດັບທີ 2 ແມ່ນ ຟີລິບປິນ ໄດ້ 6 ຫຼຽນຄຳ, 10 ຫຼຽນເງິນ ແລະ 8 ຫຼຽນທອງ (ລວມ 24 ຫຼຽນ).
-ອັນດັບທີ 3 ແມ່ນ ສປປ ລາວ (ເຈົ້າພາບ) ໄດ້ 3 ຫຼຽນຄຳ, 10 ຫຼຽນເງິນ, 4 ຫຼຽນທອງ (ລວມ 17 ຫຼຽນ).
ນອກນີ້, ສປປ ລາວ ຍັງຈະໄດ້ສືບຕໍ່ຮັບກຽດເປັນເຈົ້າພາບ ຈັດແຂ່ງຂັນກິລາໝາກເສີກລະດັບນາໆຊາດ ລາວອິນເຕີເນເຊິນນໍລ ໂອເພັນ ຄັ້ງທີ 3 ລະຫວ່າງວັນທີ 1-7 ກັນຍາ 2024 ທີ່ສູນການຄ້າພາກຊັນ.
ຂ່າວ: ຂ່າວກິລາ Lao National TV
ຮູບພາບ: 22nd Asean + Age Group Chess Championship 2024