ຮ່ອງຄວາມກົດດັນອາກາດຕໍ່າ ຫຼື ຮ່ອງຝົນໄດ້ພາດຜ່ານຢູ່ເຂດພາກກາງ ລົງຫາພາກໃຕ້ຂອງປະເທດລາວ, ປ່ອງໃສ່ພາຍຸໝຸນເຂດຮ້ອນ ຢາກິ (YAGI) ຫົວທີ 11 ປັດຈຸບັນໄດ້ເຄື່ອນມາໃກ້ຝັ່ງເຂດພາກກາງຂອງປະເທດຟີລິບປິນ ແລະ ກໍາລັງເຄື່ອນທີ່ມາທາງທິດຕາເວັນຕົກສ່ຽງເໜືອ ດ້ວຍຄວາມໄວ 20 ກິໂລແມັດ/ຊົ່ວໂມງ, ພາຍຸຫົວນີ້ຍັງບໍ່ທັນສົ່ງຜົນກະທົບຕໍ່ກັບປະເທດລາວ, ແຕ່ໄດ້ເຮັດໃຫ້ລົມມໍລະສຸມຕາເວັນຕົກສ່ຽງໃຕ້ ທີ່ມີກໍາລັງແຮງປານກາງພັດປົກຄຸມ. ເຊິ່ງຈະເຮັດໃຫ້ມີຝົນຕົກ ຟ້າຮ້ອງ, ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຈະມີຝົນຕົກໜັກ, ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.
