ຫລາຍຄົນມີບັນຫາກັບການທາເລັບ ເອີ້ນໄດ້ວ່າຢາກງາມຕ້ອງຍອມເສຍເງີນເຂົ້າຮ້ານເຮັດເລັບແພງໆ ບໍ່ກ້າທີ່ຈະແຕ່ງເລັບທາເລັບດ້ວຍຕົວເອງ ແຕ່ອັນທີ່ຈິງແລ້ວ ການທາເລັບເປັນເລື່ອງງ່າຍນິດດຽວ… ພຽງແຕ່ຕ້ອງມີເທັກນິກການທາເລັບຈັກເລັກນ້ອຍ ຈະງ່າຍເທົ່າໃດ ມາເບິ່ງກັນເລີຍ!
ເທັກນິກການທາເລັບ
1.ບີບນ້ຳໝາກນາວ ຫລື ນ້ຳສົ້ມສາຍຊູລົງໃນອ່າງນ້ຳ ປະໄວ້ຈັກໝ້ອຍໜຶ່ງ ແລ້ວນຳມືລົງໄປແຊ່ ຈະຊ່ວຍໃຫ້ເລັບອ່ອນນຸ່ມຂຶ້ນ
2.ໃຊ້ນ້ຳຢາເຄືອບເລັບໃນຊັ້ນທຳອິດ ເພື່ອເປັນການເບິ່ງແຍງເລັບຂັ້ນຕົ້ນ ເພາະຫາກເຮົາທາເລັບສີຈັດ ຈະເຮັດໃຫ້ເລັບເຫລືອງໄດ້
3.ການລົງສີທາເລັບ ບໍ່ຄວນທາເກີນ 3 ເທື່ອ ເພາະສີຈະຈັບເປັນກ້ອນບໍ່ລຽບສະເໝີກັນ ແລະ ຢ່າລົງສີເລັບເກີນ 2 ຊັ້ນເພາະຈະເບິ່ງໜາຈົນເກີນໄປ
ຫລັງຈາກລົງສີທາເລັບຮຽບຮ້ອຍແລ້ວ ຄວນປິດທ້າຍດ້ວຍການທານ້ຳຢາເຄືອບເລັບ ເພາະຈະຊ່ວຍເພີ່ມ ຄວາມເງົາງາມ ວິບວັບໃຫ້ກັບເລັບ ແລະ ຍັງປ້ອງກັນສີເລັບຈາງຈາກແສງແດດໄດ້
ການເກັບນ້ຳຢາທາເລັບທີ່ດີໃຫ້ຢູ່ກັບເຮົາໄດ້ດົນໆ ຈະຕ້ອງປິດຝາໃຫ້ສະນິດ ແລະ ເກັບໄວ້ໃນທີ່ເຢັນ ຫ່າງໄກແສງແດດ ຢ່າງເຊັ່ນ ໃນຕູ້ເຢັນ ການເລືອກຢາທາເລັບ ຄວນເບິ່ງສ່ວນປະສົມດ້ວຍ ນັ້ນຄື ຢາທາເລັບທີ່ດີບໍ່ຄວນມີແອວກໍຮໍເພາະວ່າແອວກໍຮໍຈະເປັນຕົວເຮັດໃຫ້ຜິວເລັບແຫ້ງ ແລະ ຜ່ອຍງ່າຍ