ໃນວັນທີ 27 ສິງຫາທີ່ຜ່ານມາ, ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ໄດ້ມອບພາຫະນະ ແລະ ອຸປະກອນວິຊາສະເພາະ ໃຫ້ກະຊວງປ້ອງກັນຄວາມສະຫງົບ ແຫ່ງ ສປປ ລາວ, ເພື່ອຮັບໃຊ້ເຂົ້າໃນການປະຕິບັດວຽກປ້ອງກັນກອງປະຊຸມສຸດຍອດອາຊຽນ ຄັ້ງທີ 44 – 45 ແລະ ກອງປະຊຸມອື່ນໆທີ່ປິ່ນປອ້ອມໃນ ປີ 2024 ທີ່ ສປປ ລາວ ໄດ້ຮັບກຽດເປັນເຈົ້າພາບ.
ພາຫະນະທີ່ມອບໃນຄັ້ງນີ້ມີ ລົດໃຫຍ່ 5 ຄັນ ແລະ ອຸປະກອນວິຊາສະເພາະຈຳນວນໜື່ງ. ກ່າວມອບໂດຍ ພົທ ເລືອງ ຕາມ ກວາງ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ, ກ່າວຮັບໂດຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນຄວາມສະຫງົບ ແຫ່ງ ສປປ ລາວ.
ທີ່ມາ: ຄວາມສະຫງົບ