spot_img
Homeຂ່າວພາຍ​ໃນກຽມຄວາມພ້ອມໃນການກວດກາ ແລະ ລົບລ້າງກຸ່ມສໍ້ໂກງຊັບທາງໂທລະຄົມ

ກຽມຄວາມພ້ອມໃນການກວດກາ ແລະ ລົບລ້າງກຸ່ມສໍ້ໂກງຊັບທາງໂທລະຄົມ

Published on

ອົງການປົກຄອງເເຂວງບໍ່ເເກ້ວ ຮ່ວມກັບ ກອງບັນຊາການ ປ້ອງກັນຄວາມສະຫງົບ ເຂດເສດຖະກິດພິເສດສາມຫຼ່ຽມຄໍາ, ຄະນະຄຸ້ມຄອງ-ສະພາບໍລິຫານ ເເລະ ຄະນະປະສານງານທະຫານເຂດເສດຖະກິດພິເສດສາມຫລ່ຽມຄໍາ ຈັດກອງປະຊຸມປຶກສາຫາ ລືການກຽມຄວາມພ້ອມໃນການຈັດຕັ້ງປະຕິບັດດໍາເນີນການກວດກາ ແລະ ລົບລ້າງກຸ່ມສໍ້ໂກງຊັບທາງໂທລະຄົມ ຫລື Call Center ພາຍໃນເຂດເສດຖະກິດພິເສດສາມຫຼ່ຽມຄໍາ ໃນຕອນເຊົ້າວັນທີ 26 ສິງຫາ 2024 ຢູ່ຫ້ອງປະຊຸມໂຮງເເຮມດາວດອກງີ້ວຄໍາ ເມືອງຕົ້ນເຜິ້ງ ເເຂວງບໍ່ແກ້ວ ພາຍໃຕ້ການເປັນປະທານຂອງ ພົນຕີ ສາຍໃຈ ກົມມະສິດ ຮອງເຈົ້າເເຂວງໆ ບໍ່ເເກ້ວ, ມີພັນເອກ ອານຸສີນ ສັກປະເສີດ ຫົວຫນ້າກອງບັນຊາການ ປ້ອງກັນຄວາມສະຫງົບ ເຂດເສດຖະກິດພິເສດສາມຫລ່ຽມຄໍາ, ທ່ານ ຫວາງເອີ້ປາວ ຜູ້ອຳນວຍການໃຫ່ຍກຸ່ມບໍລິສັດ ດອກງິ້ວຄຳ, ມີນາຍເເລະພົນທະຫານ, ນາຍເເລະພົນຕໍາຫລວດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໂອກາດນີ້ ພັນເອກ ອານຸສີນ ສັກປະເສີດ ໄດ້ລາຍງານໂດຍຫຍໍ້ກ່ຽວກັບການກຽມຄວາມພ້ອມໃນການຈັດຕັ້ງປະຕິບັດດໍາເນີນ ການກວດກາ ແລະ ລົບລ້າງກຸ່ມສໍ້ໂກງຊັບທາງໂທລະຄົມ ຫລື Call Center ພາຍໃນເຂດເສດຖະກິດພິເສດສາມຫຼ່ຽມຄໍາ ເຊີ່ງການຈັດກອງປະຊຸມຄັ້ງນີ້ເເມ່ນສຶບຕໍ່ປະຕິບັດຕາມບົດບັນທຶກກອງປະຊຸມ ການດໍາເນີນການລົບລ້າງກຸ່ມສໍ້ໂກງທາງໂທລະຄົມ ຫລື CallCenter ຢູ່ເຂດເສດຖະກິດພິເສດສາມຫຼ່ຽມຄໍາທີ່ຈັດຂື້ນ ຄັ້ງວັນທີ 09 ສິງຫານີ້ ໂດຍມີການວາງເເຜນການຢ່າງລະອຽດ ເເລະ ຮັດກຸມ ເພື່ອຮັບປະກັນຄວາມປອດໄພ ເເລະ ມີຜົນສໍາເລັດຕາມລະດັບຄາດຫມາຍທີ່ວາງໄວ້

ໃນນີ້ສະເພາະວິທີ ການຈັດຕັ້ງປະຕິບັດໄດ້ແບ່ງກໍາລັງອອກເປັນ 04 ຈຸເພື່ອລົງເຄື່ອນໄຫວຕົວຈິງ, ໃນນີ້ສະເພາະເຈົ້າໜ້າທີ່ ກໍາລັງປ້ອງກັນຊາດ ແມ່ນເຂົ້າຮ່ວມຊ່ວຍໜູນການຄວບຄຸມສະຖານທີ່ ແລະ ຮັກສາຄວາມສະຫງົບປອດໄພຂອງສະຖານ ແລະ ແກ້ໄຂບັນຫາສຸກເສີນຕາມແຕ່ລະກໍລະນີ, ເຈົ້າໜ້າທີ່ ປ້ອງກັນຄວາມສະຫງົບ ແມ່ນເຮັດວຽກລົງເລິກການຄວບຄຸມສະຖານທີ່ ແລະ ບຸກຄົນ, ສືບສວນສອບສວນ, ກວດກາສະຖານທີ່, ບຸກຄົນ, ເອກະສານຕ່າງໆ ຂອງບໍລິສັດ ແລະ ບຸກຄົນຂອງຜູ້ບໍລິຫານ ແລະ ແຮງງານ ແລະ ເຄື່ອງອຸປະກອນຕ່າງໆ ເປັນຕົ້ນຕໍ ຕາມຫຼັກການວຽກງານວິຊາສະເພາະຂອງຕົນ, ຖ້າພົບເຫັນບັນຫາເຊິ່ງໜ້າກໍ່ແກ້ໄຂຕາມລະບຽບກົດໝາຍ ,ສ່ວນເຈົ້າໜ້າທີ່ດ່ານ ຕໍາຫລວດກວດຄົນເຂົ້າເມືອງ ຫລື ຕມ ທີ່ປະຈໍາດ່ານສາກົນສາມຫຼ່ຽມຄໍາ ເປັນຜູ້ກວດກາ ແລະ ປະສານງານບໍລິສັດ ທີ່ນໍາເອົາແຮງງານຕ່າງ ປະເທດທີ່ເຂົ້າຜ່ານດ່ານສາກົນສາມຫຼ່ຽມຄໍາ ທີ່ມີເງິນຄໍ້າປະກັນ ເພື່ອຈັດສົ່ງເຂົາເຈົ້າກັບຄືນປະເທດ ເເລະ ວຽກງານປີ່ນອ້ອມອື່ນໆ.

ແຫຼ່ງຂ່າວຈາກ: LNR

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...