Homeຂ່າວພາຍ​ໃນສານຕັດສິນ ຊາຍທຳຮ້າຍຜູ້ຍິງ ກາງງານບຸນກິນຈຽງທີ່ຊຽງຂວາງ

ສານຕັດສິນ ຊາຍທຳຮ້າຍຜູ້ຍິງ ກາງງານບຸນກິນຈຽງທີ່ຊຽງຂວາງ

Published on

ໃນວັນທີ 22 ສິງຫາທີ່ຜ່ານມາ, ຄະນະສານອາຍາຂັ້ນຕົ້ນແຂວງຊຽງຂວາງ ໄດ້ນຳຈຳເລີຍ 1 ຄົນ ຊື່ທ້າວ ກົວຫາ, ອາຍຸ 20 ປີ ຢູ່ບ້ານໂງຍ, ເມືອງແປກ, ແຂວງຊຽງຂວາງ ຖືກກັກຕົວໃນວັນທີ 14 ມັງກອນ 2024 ໃນສະຖານທຳຮ້າຍຮ່າງກາຍ ທາລຸນແມ່ຍິງ ແລະ ເດັກ ມາຕັດສິນໂທດຕາມລະບຽບກົດໝາຍ.ຕາມການລາຍງານຂອງສານໃຫ້ຮູ້ວ່າ: ທ້າວ ກົວຫາ (ຈໍາເລີຍ) ໄດ້ລົງມືທຳຮ້າຍຮ່າງກາຍຜູ້ເປັນເມຍ ຊື່ນາງ ເຢັງກື, ອາຍຸ 16 ປີ, ຢູ່ບ້ານນາດີ, ເມືອງແປກ, ແຂວງຊຽງຂວາງ ຢູ່ສະຖານທີ່ບຸນກິນຈຽງເຜົ່າມົ້ງ ບ້ານຍວນ, ເມືອງແປກ, ແຂວງຊຽງຂວາງ ຈົນເປັນທີ່ໂດ່ງດັງໃນສື່ອອນລາຍ.ຕາມການຊັກຖາມທັງໂຈດ ແລະ ຈຳເລີຍໄດ້ໃຫ້ຮູ້ວ່າ: ທັງສອງໄດ້ແຕ່ງງານ ແລະ ຢູ່ກິນນຳກັນຕັ້ງແຕ່ປີ 2022 ເປັນຕົ້ນມາ, ໂດຍໄລຍະຜ່ານມາໄດ້ມີການຜິດຖຽງ ແລະ ຖືກທ້າວ ກົວຫາ(ຈຳເລີຍ) ທຳຮ້າຍຮ່າງກາຍມາຕະຫຼອດ, ຈຶ່ງໄດ້ກັບມາຢູ່ນໍາພໍ່ແມ່, ເພື່ອລໍຖ້າອຳນາດການປົກຄອງບ້ານ ແລະ ຍາດພີ່ນ້ອງທັງສອງຝ່າຍມາສຶກສາອົບຮົມ.ເຊິ່ງໃນມື້ເກີດເຫດ ວັນທີ 14 ມັງກອນທີ່ຜ່ານມາ, ນາງເຢັງກື ໄດ້ໄປຫຼິ້ນບຸນກິນຈຽງກັບນ້ອງສາວສອງຄົນ, ໄດ້ພາກັນຍ່າງເລາະຖ່າຍຮູບ ແລະ ເບິ່ງເຕະບານ, ຈາກນັ້ນມີຜູ້ຊາຍຍ່າງເຂົ້າມາຂໍເບີ ແຕ່ຕົນເອງໄດ້ປະຕິເສດ ແລະ ບອກວ່າມີຜົວແລ້ວ.ເຊິ່ງໃນເວລານັ້ນ ໝູ່ທ້າວກົວຫາ ໄດ້ມາເຫັນ ແລະ ແຊັດໄປບອກທ້າວກົວຫາ ບອກວ່າເຫັນເມຍເຈົ້າລົມກັບຜູ້ບ່າວ, ພໍໄດ້ຮູ້ຂ່າວ ທ້າວກົວຫາ ຈຶ່ງໄປສະຖານທີ່ດັ່ງກ່າວ, ພໍໄປຮອດກໍເຫັນຜູ້ຊາຍຢືນຢູ່ຂ້າງເມຍຂອງຕົນ, ຄິດວ່າເມຍມີຊູ້ ຈຶ່ງໄດ້ຍ່າງເຂົ້າໄປທຳຮ້າຍຮ່າງກາຍ, ໂດຍໃຊ້ກຳປັ້ນ, ໃຊ້ຕີນເຕະ, ໃຊ້ຂວດເຄື່ອງດື່ມດຶກໃສ່, ໃຊ້ຄັນຮົ່ມຟາດໃສ່ຮ່າງກາຍຈຳນວນຫຼາຍຄັ້ງ ແລະ ໃຊ້ເສື້ອຟາດຕາມທາງ ໃນງານບຸນກິນຈຽງ ຈົນເຮັດໃຫ້ນາງເຢັງກື ໄດ້ຮັບບາດເຈັບສາຫັດ.ດັ່ງນັ້ນ, ເຈົ້າໜ້າທີ່ຈຶ່ງໄດ້ກັກຕົວມາດຳເນີນຄະດີ, ເຊິ່ງການກະທຳດັ່ງກ່າວນີ້ເປັນການກະທຳຜິດທາງອາຍາ ໃນຂໍ້ຫາທຳຮ້າຍຮ່າງກາຍຕາມມາດຕາ 194 ວັກ 1 ແລະ ການກະທຳຜິດຕໍ່ເດັກຕາມມາດຕາ 65 ຂໍ້ 6 ຕາມປະມວນກົດໝາຍອາຍາ, ດ້ວຍເຫດນີ້ຄະນະສານອາຍາແຂວງຊຽງຂວາງຈຶ່ງໄດ້ຕັດສິນຄະດີເລື່ອງນີ້ ຕໍ່ໜ້າປະຊາຊົນເປັນຂັ້ນຕົ້ນ, ໂດຍສ່ອງໜ້າໂຈດ ທາງແພ່ງ ແລະ ຈຳເລີຍບອກວ່າ ທ້າວກົວຫາ(ຈຳເລີຍ) ມີຄວາມຜິດທາງອາຍາ ໃນຂໍ້ຫາທຳຮ້າຍຮ່າງກາຍທາລຸນແມ່ຍິງ ແລະ ເດັກ ລົງໂທດຕັດອິດສະລະພາບ 3 ປີ 6 ເດືອນ ແລະ ປັບໄໝ 10 ລ້ານກີບໃຫ້ຈຳເລີຍຮັບຜິດຊອບປົວແປງ ກຽດສັກສີ, ຄ່າປິ່ນປົວ, ຄ່າທຳອູ່ສູ່ຂວັນ ແລະ ຄ່າສິ້ນເປືອງຕ່າງໆໃຫ້ແກ່ໂຈດທາງແພ່ງ ລວມທັງໝົດຈຳນວນ 33,331,000 ກີບ

ຂ່າວ: ປກສ ແຂວງຊຽງຂວາງ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...