ກອງທັບເຮືອມາເລເຊຍອອກຖະແຫຼງການໃນວັນທີ 26 ສິງຫາ 2024 ນີ້ວ່າ: ເຮືອຮົບ KD Pendekar ຂອງມາເລເຊຍເກີດເຫດຕຳກັບວັດຖຸບາງຢ່າງຢູ່ໃຕ້ນ້ຳຈຶ່ງເກີດຮົ່ວ ເຮັດໃຫ້ຈົມລົງທະເລໃນເວລາ 15:54 ໂມງ ຂອງວັນທີ 25 ສິງຫາຜ່ານມາ, ຫ່າງຈາກເຂດ Tanjung Penyusop ລັດຍະໂຮ ໄປທາງຕາເວັນອອກສຽງໃຕ້ ໂຊກດີເຈົ້າໜ້າທີ່ສາມາດຊ່ວຍສານທັງໝົດ 39 ຄົນໄດ້ຢ່າງປອດໄພ.
ຈາກເຫດການດັ່ງກ່າວກອງທັບເຮືອມາເລເຊຍ ໄດ້ຕັ້ງຄະນະກຳມະການສອບສວນພິເສດເພື່ອຫາສາເຫດຂອງການຮົ່ວໄຫຼຂອງນ້ຳ ແລະ ໄດ້ສົ່ງກຳລັງພົນໄປຍັງຈຸດເກີດເຫດ ເພື່ອຕິດຕາມສະຖານະການ ແລະ ຄວາມປອດໄພດ້ານສິ່ງແວດລ້ອມ.
ກອງທັບເຮືອມາເລເຊຍໄດ້ລະບຸຕື່ມອີກວ່າ: ຂໍແນະນຳໃຫ້ປະຊາຊົນຢ່າງສ້າງການຄາດເດົາກ່ຽວກັບເຫດການໃນຄັ້ງນີ້ ຫາກຕ້ອງການຂໍ້ມູນທີ່ຖືກຕ້ອງ ແລະ ເປັນປັດຈຸບັນໃຫ້ອ້າງອິງຂໍ້ມູນຈາກແຫຼ່ງຂ່າວຂອງກອງທັບເຮືອຢ່າງເປັນທາງການ.
ແຫຼ່ງຂ່າວ:THE STRAITS TIME