ແຈ້ງເຕືອນໄພນໍ້າຖ້ວມຊູ ແລະດິນເຈື່ອນປະຈຳວັນທີ 22 ສິງຫາ 2024, ຮ່ອງຄວາມກົດດັນອາກາດດໍາ ຫຼື ຮ່ອງຝົນ ຍັງຈະສືບຕໍ່ພາດຜ່ານຢູ່ເຂດພາກເໜືອຂອງປະເທດລາວ, ສົມທົບກັບກະແສ ລົມມໍລະສຸມຕາເວັນຕົກສ່ຽງໃຕ້ທີ່ມີກຳລັງແຮງປານກາງພັດປົກຄຸມ, ເຊິ່ງຈະເຮັດໃຫ້ ມີຝົນຕົກຟ້າຮ້ອງ, ຟ້າເຫຼື້ອມໃນ ລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຈະມີຝົນຕົກໜັກພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງ.
ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນ ຈົ່ງມີສະຕິລະມັດລະວັງໃນການນໍາໃຊ້ເສັ້ນທາງທີ່ໃກ້ແຄມພູສູງ ກຽມພ້ອມຮັບມື ຕໍ່ສະພາບຝົນຕົກໜັກຕິດຕໍ່ກັນຫຼາຍວັນ, ເຊິ່ງຈະເຮັດໃຫ້ມີດິນເຈື່ອນ, ເສັ້ນທາງຂາດ, ນໍ້າຖ້ວມຊຸ ແລະ ນໍ້າຖ້ວມຢຶ່ງ ຢູ່ແຂວງພາກເໜືອ ແລະ ພາກກາງ. ຂໍໃຫ້ຕິດຕາມ ຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.