ທາງການຍີ່ປຸ່ນສັ່ງຂ້າໄກ່ປະມານ 4,000 ໂຕ ໃນຟາມແຫ່ງໜຶ່ງທາງພາກຕາເວັນຕົກສຽງໃຕ້ຂອງປະເທດ ໃນມື້ນີ້
(16 ທັນວາ) ຫລັງກວດພົບການແຜ່ລະບາດຂອງໄຂ້ຫວັດສັດປີກ.
ກະຊວງກະສິກຳຂອງຍີ່ປຸ່ນໄດ້ຖະແຫລງວ່າ ຈາກການກວດພົບເຊື້ອໄວຣັສສາຍພັນ H5 ໃນຟາມໄກ່ທີ່ແຂວງມິຢາ
ຊາກິ ໂດຍເຈົ້າຂອງຟາມໄດ້ແຈ້ງວ່າ ມີສັດປີກໃນຟາມຕາຍກະທັນຫັນເຖິງ 20 ໂຕ ໃນໄລຍະ 2 ມື້ທີ່ຜ່ານມາ.
ກໍລະນີການຕິດເຊື້ອດັ່ງກ່າວນີ້ ຖືເປັນການພົບເຊື້ອໄຂ້ຫວັດສັດປີກລະບາດຄັ້ງທຳອິດໃນຍີ່ປຸ່ນນັບຕັ້ງແຕ່ເດືອນ
ເມສາເປັນຕົ້ນມາ, ທາງດ້ານເຈົ້າໜ້າທີ່ຂອງແຂວງມິຢາຊາກິ ເຊິ່ງຕັ້ງຢູ່ໃນເກາະຄິວຊູ ໄດ້ສັ່ງປິດຟາມໄກ່ທີ່ພົບສັດ
ປີກຕິດເຊື້ອ ລວມເຖິງຟາມໄກ່ໃກ້ຄຽງ ແລະ ຫ້າມເຄື່ອນຍ້າຍສັດປີກ ຈົນກ່ວາພື້ນທີ່ດັ່ງກ່າວຈະຖືກກຳນົດໃຫ້ກາຍ
ເປັນເຂດອະເຊື້ອ.