ສຳນັກຂ່າວຕ່າງປະເທດ ລາຍງານວ່າ: ເມື່ອບໍ່ດົນານີ້, ຜູ້ເສຍຫາຍລາຍໜຶ່ງໄດ້ເເຈ້ງຕໍ່ເຈົ້າໜ້າທີ່ວ່າ ຖືກຫຼອກຂາຍກະທຽມປອມ ທີ່ເຮັດມາຈາກປູນໃຫ້ແກ່ຕົນເອງ, ເຊິ່ງເຫດການເກີດຂຶ້ນທີ່ເມືອງອະໂຄລາ, ລັດມະຫາລາດລະ, ຜູ້ເສຍຫາຍໄດ້ເລົ່າວ່າ: ຕົນໄດ້ຊື້ກະທຽມ 250 ກຣາມຈາກພໍ່ຄ້າແຄມທາງ, ເພື່ອຈະນຳມາເຮັດອາຫານ.
ແຕ່ເມື່ອປອກກະທຽມເພື່ອກຽມເຮັດອາຫານ ຮູ້ສຶກວ່າແກະເປືອກອອກຍາກ, ຈຶ່ງພະຍາຍາມປາດກະທຽມ, ແຕ່ແລ້ວກໍພົບວ່າ: ມັນເປັນກະທຽມປອມ ທີ່ເຮັດມາຈາກປູນຊີເມັນເຄືອບຢູ່ດ້ານນອກ, ໂດຍນໍາມາປັ້ນຫຼໍ່ເປັນຮູບກະທຽມ.
ເມື່ອເປັນດັ່ງນັ້ນ, ລາວໄດ້ເອົາກະທຽມທັງໝົດທີ່ຊື້ມາແກະເບິ່ງພົບວ່າໃນຖົງດັ່ງກ່າວມີກະທຽມແທ້ ແລະ ປອມປະປົນກັນ, ເຊິ່ງລາວກໍບໍ່ສາມາດແຍກອອກໄດ້ເລີຍວ່າຖືກຕົວະຂາຍ, ເພາະຕອນຊື້ກໍບໍ່ໄດ້ຈັບເບິ່ງທຸກອັນ ແລະ ບໍ່ຄາດຄິດວ່າຈະຖືກຫຼອກດ້ວຍວິທີນີ້. ອິນເດຍກຳລັງປະເຊີນກັບລາຄາກະທຽມສູງຂຶ້ນຢ່າງຕໍ່ເນື່ອງໃນໄລຍະໜຶ່ງອາທິດທີ່ຜ່ານມາ. ເຊິ່ງສູງຂຶ້ນເກືອບ 3 ເທົ່າຂອງລາຄາເກົ່າ.
ຂ່າວ: IndiaToday