ສະໂມສອນ ອາຣເອັນເອັສ ອາຄາເດມີ້ (RNS Academy) ທີມນ້ອງໃໝ່ໃນວົງການບານເຕະເຍົາວະຊົນລາວ ໂຊຟອມເດັ່ນລົງແຂ່ງ 5 ນັດຊະນະລວດມີ ສາມາດຜ່ານເຂົ້າຮອບ 4 ທີມສຸດທ້າຍໄດ້ສຳເລັດ ໃນລາຍການ PEACE CUP 2024 ທີ່ນະຄອນເຊິນຢາງ, ແຂວງຫລຽວໜິງ ສປ ຈີນ ລະຫວ່າງວັນທີ 12-18 ສິງຫາ 2024 ຊຶ່ງມີ 900 ທີມຈາກທົ່ວໂລກ ເຂົ້າຮ່ວມຊິງໄຊໃນການແຂ່ງຂັນລາຍການດັ່ງກ່າວ.

ສຳລັບຜົນງານຂອງທີມ RNS Academy ລົງສະໜາມ 5 ນັດ:
-ນັດທຳອິດ RNS Academy 24-0 Tianjin Rui Yun
-ນັດທີ 2: RNS Academy 3-1 Shenyang Dongzhan
-ນັດທີ 3: RNS Academy 3-0 Shenyang Longxin.
-ນັດທີ 4 ຮອບ 16 ທີມ: RNS Academy 3-0 Shenyang Xinye
-ນັດທີ 5 ຮອບ 8 ທີມ: RNS Academy 5-0 Yibu Sport

ສາມາດເກັບໄຊຊະນະໄດ້ທັງໝົດ 5 ນັດສາມາດຜ່ານເຂົ້າຮອບ 4 ທີມສຸດທ້າຍ ຊຶ່ງຈະທຳການແຂ່ງຂັນໃນວັນທີ 15 ສິງຫາ 2024 ສ່ວນເວລາ ແລະ ທີມທີ່ພົບແມ່ນຈະແຈ້ງເພີ່ມເຕີມພາຍຫຼັງ.

ທີ່ມາ: RNS Academy