ຈາກກໍລະນີທີ່ເກີດກະແສວິພາກວິຈານກ່ຽວກັບການຊຳລະຄ່າໄຟຟ້າ ທີ່ມີລາຄາສູງເກີນຜິດປົກກະຕິ ໃນເດືອນສິງຫາ ຢູ່ເມືອງທຸລະຄົມແຂວງວຽງຈັນ ເຮັດໃຫ້ປະຊາຊົນຫຼາຍຄອບຄົວສົງໃສ ແລະ ໄດ້ອອກມາຮຽກຮ້ອງໃຫ້ໜ່ວຍງານກ່ຽວຂ້ອງລົງກວດສອບວ່າສິ່ງທີ່ເກີດຂຶ້ນແມ່ນແທ້ ຫຼື ບໍ່?
ຫຼ້າສຸດໃນວັນທີ 14 ສິງຫາ 2024 ນີ້, ທາງລັດວິສາຫະກິດໄຟຟ້າລາວ ສາຂາແຂວງວຽງຈັນ ອອກແຈ້ງການເຖິງຜູ້ຊົມໃຊ້ໄຟຟ້າຢູ່ເມືອງທຸລະຄົມ ແຂວງວຽງຈັນ, ໃຫ້ຢຸດການຊຳລະຄ່າໄຟຟ້າປະຈຳເດືອນເປັນການຊົ່ວຄາວ ເນື່ອງຈາກວ່າການຄິດໄລ່ພະລັງງານໄຟຟ້າຂອງຜູ້ຊົມໃຊ້ ໃນເມືອງທຸລະຄົມ ແຂວງວຽງຈັນ ໃນເດືອນ ສິງຫາ 2024 ຍັງບໍ່ໄດ້ຜະລິດ ໃບບິນອອກ ແລະ ຍັງບໍ່ໄດ້ຖືກຈັດສົ່ງຮອດມືຜູ້ຊົມໃຊ້.
ເຊິ່ງບັນຫານີ້ບໍ່ເຄີຍເກີດຂຶ້ນ ໃນບະບົບຂອງລັດວິສາຫະກິດໄຟຟ້າລາວ ແລະ ສາຂາໄຟຟ້າແຂວງວຽງຈັນ ຈະເລັ່ງແກ້ໄຂໃຫ້ສໍາເລັດ ພາຍໃນວັນທີ 20 ສິງຫາ 2024 ນີ້.