ສຳນັກຂ່າວຕ່າງປະເທດລາຍງານວ່າ: ໃນວັນທີ 13 ສິງຫາທີ່ຜ່ານມາ, ສູນຄວບຄຸມ ແລະ ປ້ອງກັນພະຍາດແຫ່ງອາຟຣິກາໄດ້ປະກາດໃຫ້ ພະຍາດໝາກສຸກລີງ ເປັນພາວະສຸກເສີນດ້ານສາທາລະນະສຸກ, ຫຼັງມີຜູ້ຕິດເຊື້ອເພິ່ມຂຶ້ນຢ່າງວ່ອງໄວ.
ເຊື້ອພະຍາດດັ່ງກ່າວ ລະບາດໜັກ ໃນຫຼາຍເຂດຂອງອາຟຣິກາໄດ້ແກ່: ບຸຣຸນດີ, ອາຟຣິກາກາງ, ເຄນຢາ ແລະ ຣະວັນດາ, ແຕ່ທີ່ໜັກສຸດແມ່ນສາທາລະນະລັດປະຊາທິປະໄຕຄອງໂກ (ດີອາຄອງໂກ) ພົບຜູ້ຕິດເຊື້ອຫຼາຍກວ່າ 13,700 ຄົນ ແລະ ເສຍຊີວິດໄປແລ້ວ 450 ຄົນ, ນັບຕັ້ງແຕ່ຕົ້ນປີ 2024 ເປັນຕົ້ນມາ.
ໜ່ວຍງານສາທາລະນະສຸກໃນພູມິພາກອື່ນໆ ກຳລັງຈັບຕາເບິ່ງສະຖານະການ ການລະບາດຂອງພະຍາດດັ່ງກ່າວ, ເພື່ອປະເມີນວ່າມີຄວາມສ່ຽງທີ່ຈະແພ່ກະຈາຍໄປຍັງພື້ນທີ່ອື່ນໆຫຼືບໍ.
ຂ່າວ: bbc