ໃນວັນທີ 12 ສິງຫາທີ່ຜ່ານມາ, ທ່ານ ລິນຄຳ ດວງສະຫວັນ, ລັດຖະ ມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ລົງພື້ນທີ່ຕິດຕາມວຽກງານຕ້ານແລ້ງ-ຕ້ານຖ້ວມ ປະຕູນໍ້າເຂດວຽງຈັນໃຕ້ ຢູ່ທີ່ເມືອງຫາດຊາຍຟອງ, ນະຄອນຫຼວງວຽງຈັນ.
ເຊິ່ງມີບັນດາຫົວໜ້າ-ຮອງຫົວໜ້າກົມ, ຫົວໜ້າພະແນກກະສິກໍາ ແລະ ປ່າໄມ້ນະຄອນຫຼວງວຽງຈັນ, ເຈົ້າເມືອງຫາດຊາຍຟອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງການລົງພື້ນທີ່ຄັ້ງນີ້ ເພື່ອລົງຕິດຕາມສະພາບຂອງລະດັບນໍ້າໃນແຕ່ລະປ່ອງປະຕູນໍ້າຢູ່ໃນເຂດວຽງຈັນໃຕ້ (ເມືອງຫາດຊາຍຟອງ) ກ່ຽວກັບການແກ້ໄຂຕ້ານໄພນໍ້າຖ້ວມ ຄື: ຈຸດປະຕູນໍ້າຫ້ວຍໝາກຮຽວ 1 ສາເຫດຍ້ອນແຂ້ວເຟືອງມີການເປ່ເພ, ຈຶ່ງບໍ່ສາມາດ ປິດ-ເປີດ ປະຕູລະບາຍນ້ຳໄດ້ ແລະ ຈຸດປະຕູນໍ້າຫ້ວຍເດື່ອ, ເຊິ່ງລວມມີ 4 ປ່ອງ, ໃຊ້ໄດ້ 3 ປ່ອງ (ໃຊ້ບໍ່ໄດ້ 1 ປ່ອງ), ສາເຫດຍ້ອນເຕົ້າພວງມາໄລຂາດນໍ້າຫຼໍ່ລື່ນ.
ຂ່າວ: ຂ່າວສານ ກະຊວງກະສິກຳປ່າໄມ້, ວສລ