spot_img
Homeຂ່າວພາຍ​ໃນລາວ ກຽມເອົາກິລາດຶງເຊືອກ ເຂົ້າໃນການແຂ່ງຂັນກິລາລະດັບຊາດ

ລາວ ກຽມເອົາກິລາດຶງເຊືອກ ເຂົ້າໃນການແຂ່ງຂັນກິລາລະດັບຊາດ

Published on

ໃນວັນທີ 6 ສິງຫາທີ່ຜ່ານມາ, ທີ່ສະໂມສອນໂຮງຮຽນ ມສ ວຽງຈັນ ໄດ້ມີພິທີ ທີ່ທາງສະຫະພັນກິລາດຶງເຊືອກແຫ່ງຊາດລາວ ປັບປຸງຄະນະບໍລິຫານງານຊຸດໃໝ່ ສົກປີ 2024-2028 ໂດຍການເຂົ້າຮ່ວມຂອງທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ, ພ້ອມພາກສ່ວນທີ່ກ່ຽວຂ້ອງເຂົ້າຮ່ວມ. ໃນພິທີດັ່ງກ່າວ ໄດ້ແຕ່ງຕັ້ງ ທ່ານ ອາລຸນແກ້ວ ກິດຕິຄຸນ ອະດີດລັດຖະມົນຕີປະຈຳສຳນັກງານນາຍົກ ເປັນປະທານສະຫະພັນກິລາດຶງເຊືອກແຫ່ງຊາດລາວ ຄົນໃໝ່, ພ້ອມດ້ວຍຮອງປະທານ 3 ທ່ານ ແລະ ກຳມະການອີກ 8 ທ່ານ.

ທ່ານ ອາລຸນແກ້ວ ກິດຕິຄຸນ ປະທານສະຫະພັນກິລາດຶງເຊືອກແຫ່ງຊາດລາວ ໄດ້ກ່າວວ່າ: ແຜນຈຸດສຸມເປົ້າໝາຍອັນໃກ້ນີ້ ຈະນຳເອົາກິລາດຶງເຊືອກບັນຈຸເຂົ້າໃນການແຂ່ງຂັນ ໃນກິລາແຫ່ງຊາດ ຄັ້ງທີ 12 ແລະ ເຂົ້າຮ່ວມຊີເກມ ປີ 2025, ເຊິ່ງໃນຕົ້ນເດືອນກັນຍາ 2024 ນີ້ ມີແຜນຈະໄປແຂ່ງຂັນທີ່ປະເທດໄທ.

ສະຫະພັນກິລາດຶງເຊືອກແຫ່ງຊາດສ້າງຕັ້ງຂຶ້ນໃນເດືອນມິຖຸນາ ປີ 2016, ຕະຫຼອດໄລຍະເວລາ 8 ປີຜ່ານມາ, ໄດ້ສຸມໃສ່ພັດທະນາບຸກຄະລາກອນຮອບດ້ານ ເປັນຕົ້ນຜູ້ບໍລິຫານ, ພະນັກງານວິຊາການ, ກຳມະການຕັດສິນ, ຄູຝຶກ ແລະ ນັກກິລາ, ພ້ອມຍັງສ້າງໃຫ້ບຸກຄະລາກອນໄດ້ເຄື່ອນໄຫວຝຶກແອບ, ແຂ່ງຂັນທັງພາຍໃນ ແລະ ຕ່າງປະເທດ.

กีฬาชักกะเย่อกีฬาที่สร้างความสมัคสมานสามัคคีของคนในชาติ | OK NATIONກິລາດຶງເຊືອກເປັນກິລາເກົ່າແກ່ສົມຄວນ, ບັນຈຸເຂົ້າແຂ່ງຂັນໃນເທສະການຕ່າງໆ ເພື່ອສ້າງສີສັນ ຈົນກາຍເປັນກິລາມວນຊົນ ທຸກຄົນສາມາດຮ່ວມຫຼິ້ນ ແລະ ເພີດເພີນໄປນຳກັນ. ແຕ່ປັດຈຸບັນໄດ້ກາຍເປັນກິລາລະດັບນານາຊາດ ມີລະບຽບກະຕິກາ, ກິລາດຶງເຊືອກເຄີຍບັນຈຸເຂົ້າໃນການແຂ່ງຂັນ ໂອລິມປິກເກມມາແລ້ວລະຫວ່າງປີ 1900-1920.

ຂ່າວ-ພາບ: ຂ່າວກິລາ Lao National TV

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...