spot_img
Homeຂ່າວທ້ອງຖິ່ນການສ້ອມແປງເສັ້ນທາງ ເມືອງອະນຸວົງ ຫາລ້ອງແຈ້ງ ຈະສຳເລັດໃນໄວໆນີ້

ການສ້ອມແປງເສັ້ນທາງ ເມືອງອະນຸວົງ ຫາລ້ອງແຈ້ງ ຈະສຳເລັດໃນໄວໆນີ້

Published on

ແຫລ່ງຂ່າວຈາກ ແຂວງໄຊສົມບູນ ໃຫ້ຮູ້ວ່າ: ປັດຈຸບັນ ພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ພວມເລັ່ງປັບປຸງ ສ້ອມແປງເສັ້ນທາງຫລວງແຫ່ງຊາດ 5A ແຕ່ຂົວນໍ້າຍອນ ເມືອງອະນຸວົງ ຫາບ້ານລ້ອງແຈ້ງ ເມືອງລ້ອງແຈ້ງ ແຂວງໄຊສົມບູນ ຄວາມຍາວ 40 ກິໂລແມັດ ຄາດວ່າຈະໃຫ້ສໍາເລັດໃນມໍ່ໆນີ້.

ທ່ານ ໄຊສົມພັນ ລີເຕັງເບຣຍຈື ຫົວໜ້າພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ໄດ້ໃຫ້ສຳພາດ ໃນວັນທີ 5 ສິງຫາ 2024 ນີ້ວ່າ: ໃນໄລຍະຜ່ານມາ ພະແນກໂຍທາທິການ ແລະ ຂົນສົ່ງແຂວງ ໄດ້ເອົາໃຈໃສ່ໃນການບູລະນະ ສ້ອມແປງເສັ້ນທາງ ແລະ ໄດ້ມີແຜນຮອງຮັບປົກກະຕິ ເພື່ອແກ້ໄຂສ້ອມແປງເສັ້ນທາງຕ່າງໆ ໃຫ້ສາມາດສັນຈອນໄປ-ມາໄດ້ຕະຫລອດປີ ເນື່ອງຈາກວ່າຝົນຕົກໜັກຕິດຕໍ່ກັນເປັນເວລາຫລາຍມື້ໃນໄລຍະຜ່ານມາ ພ້ອມກັນນີ້, ການຂົນສົ່ງແຮ່ມີລາຄາສູງ ແລະ ງົບປະມານໃນການບູລະນະຮັກສາ ແລະ ສ້ອມແປງຍັງບໍ່ພຽງພໍ ຈຶ່ງເຮັດໃຫ້ເສັ້ນທາງແຕ່ຂົວນໍ້າຍອນ ເມືອງອະນຸວົງ ຫາ ບ້ານຜາແຂະ ເມືອງລ້ອງແຈ້ງ ໄລຍະ 13 ກິໂລແມັດ ໄດ້ຮັບຜົນກະທົບ ເປ່ເພ ຫລາຍສົມຄວນ ເຮັດໃຫ້ການສັນຈອນໂດຍສານລະຫວ່າງເມືອງລ້ອງແຈ້ງ ຫາເທສະບານແຂວງ ແລະ ບັນດາແຂວງອ້ອມຂ້າງ, ການຂົນສົ່ງແຮ່ ແລະ ປະຊາຊົນທີ່ໃຊ້ເສັ້ນທາງນີ້ ເພື່ອໄປທຳການຜະລິດ ພົບກັບຄວາມຫຍຸ້ງຍາກຫລາຍ.

ຕໍ່ສະພາບການດັ່ງກ່າວ ໂດຍໄດ້ຮັບການຊີ້ນຳຈາກອົງການປົກຄອງແຂວງ ແລະ ພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ຈຶ່ງໄດ້ມອບໃຫ້ບໍລິສັດ ປັນຍາທິລາດ ກໍ່ສ້າງເຄຫາ, ຂົວທາງ ແລະ ຊົນລະປະທານ ຈຳກັດ ເປັນຜູ້ຮັບຜິດຊອບ ວຽກງານສ້ອມແປງສຸກເສີນ ປັດຈຸບັນກຳລັງຂຸ້ນຂ້ຽວຢ່າງເຕັມທີ່ ຄາດວ່າຈະແກ້ໄຂ ສ້ອມແປງ ໃຫ້ສາມາດໄປ-ມາໄດ້ຢ່າງສະດວກ ໃນມໍ່ໆນີ້ ດັ່ງນັ້ນ, ການສັນຈອນໄປ-ມາຜ່ານເສັ້ນທາງນີ້ ໃນໄລຍະນີ້ພົບຄວາມຫຍຸ້ງຍາກ ສະນັ້ນ, ຜູ້ສັນຈອນຜ່ານເສັ້ນທາງດັ່ງກ່າວ ຕ້ອງມີສະຕິ ແລະ ຄ່ອຍໄປຄ່ອຍມາ ເພື່ອປ້ອງກັນອຸບັດເຫດທີ່ອາດຈະເກີດຂຶ້ນ.

ພ້ອມກັນນີ້, ທາງແຂວງໄຊສົມບູນ ຍັງໄດ້ສ້າງກອງທຶນບູລະນະຮັກສາ ແລະ ສ້ອມແປງເສັ້ນທາງພາຍໃນແຂວງຕື່ມອີກ ເພື່ອໃຫ້ບັນດາບໍລິສັດຂຸດຄົ້ນ, ສະມາຄົມການຂົນສົ່ງສິນຄ້າ, ຫົວໜ່ວຍທຸລະກິດກ່ຽວກັບການຂົນສົ່ງແຮ່ ມອບພັນທະເຂົ້າກອງທຶນ ເພື່ອນໍາເອົາງົບປະມານຈາກກອງທຶນ ມາບູລະນະຮັກສາເສັ້ນທາງທີ່ໄດ້ຮັບຜົນກະທົບເປ່ເພ ໃນຕໍ່ໜ້າເພື່ອສະດວກ ແລະ ສາມາດສັນຈອນໄດ້ຕະຫລອດປີ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...