Homeຂ່າວພາຍ​ໃນຈັບ 4 ຜູ້ຕ້ອງຫາ ພ້ອມຂອງກາງ 200 ກວ່າເມັດ

ຈັບ 4 ຜູ້ຕ້ອງຫາ ພ້ອມຂອງກາງ 200 ກວ່າເມັດ

Published on

ໃນລະຫວ່າງວັນທີ 25 – 26 ກໍລະກົດທີ່ຜ່ານມາ, ເຈົ້າໜ້າທີ່ພະແນກຕໍາຫຼວດ ກອງບັນຊາການ ປກສ ເມືອງຫຼວງນໍ້າທາ , ແຂວງຫຼວງນ້ຳທາ ໄດ້ຮັບແຈ້ງຈາກພົນລະເມືອງດີວ່າ: ມີກຸ່ມຄົນບໍ່ດີເຄື່ອນໄຫວຄ້າ-ຂາຍ ແລະ ມົ້ວສຸມຢາເສບຕິດ ຢູ່ເຂດບ້ານຫາດຍາວ, ບ້ານສົບຕຸດ, ເມືອງ ແລະ ແຂວງຫຼວງນໍ້າທາ.

ຈາກນັ້ນ, ເຈົ້າໜ້າທີ່ວິຊາສະເພາະ ຈຶ່ງໄດ້ປະສານສົມທົບກັບ ປກສ ກຸ່ມບ້ານທົ່ງໄຈ້ ລົງກວດກາຕິດຕາມ ແລະ ສາມາດກັກເປົ້າໝາຍໄດ້ 4 ຄົນ ຊື່ ທ້າວ ສຸກ, ອາຍຸ 25 ປີ, ປະຊາຊົນຢູ່ບ້ານນໍ້າດີ ພ້ອມຂອງກາງຢາບ້າ 87 ເມັດ; ທ້າວ ຄໍາສຸກ, ອາຍຸ 30 ປີ, ປະຊາຊົນຢູ່ບ້ານສົບຕຸດ, ພ້ອມຂອງຢາບ້າ 7 ເມັດ; ນາງ ນໍ້າ, ອາຍຸ 40 ປີ, ປະຊາຊົນຢູ່ບ້ານສົບຕຸດ, ພ້ອມຂອງກາງຢາບ້າ 111 ເມັດ ແລະ ທ້າວ ບຸນປັນ , ອາຍຸ 47 ປີ, ປະຊາຊົນຢູ່ບ້ານນາໂຮມ (ນໍ້າກ້ອຍ), ພ້ອມຂອງກາງຢາບ້າ 7 ເມັດ.

ຜ່ານການສອບສວນຂອງເຈົ້າໜ້າທີຕໍາຫຼວດ ພວກກ່ຽວທັງ 4 ຄົນ ໄດ້ຮັບສາລະພາບວ່າ: ຢາເສບຕິດທີ່ທາງເຈົ້າໜ້າທີ່ກວດພົບ ແມ່ນຂອງພວກກ່ຽວແທ້ , ເຊິ່ງໄດ້ພົວພັນຊື້ນຳຄູ່ຮ່ວມຂະບວນການດຽວກັນ ເພື່ອນໍາມາເສບ ແລະ ຂາຍຍ່ອຍ; ປັດຈຸບັນ, ພວກກ່ຽວທັງ 4 ຄົນ ພ້ອມຂອງກາງແມ່ນໄດ້ມອບໃຫ້ເຈົ້າໜ້າທີ່ວິຊາສະເພາະກອງບັນຊາການ ປກສ ແຂວງຫຼວງນໍ້າທາ ກັກຂັງໄວ້ຢູ ຄ້າຍຄຸມຂັງ-ດັດສ້າງ ປກສ ແຂວງ ເພື່ອດຳເນີນຄະດີຕາມລະບຽບກົດໝາຍ.

ຂ່າວ: ປກສ ເມືອງຫຼວງນ້ຳທາ, ວາລະສານຄວາມສະຫງົບ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...