ແຈ້ງການ ການຢຸດໃຫ້ບໍລິການຖ້ຽວບິນ ວຽງຈັນ-ຊຽງຂວາງ-ວຽງຈັນ (ຖ້ຽວບິນ LK212-213) ຊົ່ວຄາວ ນັບແຕ່ວັນທີ 01 ຕຸລາ 2024 – 31 ພຶດສະພາ 2025.
ອີງຕາມ ແຈ້ງການ ຂອງກະຊວງປ້ອງກັນປະເທດ, ກອງບັນຊາການທະຫານອາກາດ, ຫ້ອງການ ກທອ ສະບັບ ເລກທີ 370/ຫ ກທອ, ລົງວັນທີ 23/07/2024.
ຜູ້ອຳນວຍການ ບໍລິສັດ ລັດວິສະຫະກິດ ລາວເດີນອາກາດ ຂໍຖືເປັນກຽດຮຽນແຈ້ງໃຫ້ຊາບວ່າ: ຖ້ຽວບິນຂອງ ສາຍການບິນ ລາວສະກາຍເວ/ LAO SKYWAY, ເສັ້ນບິນ ວຽງຈັນ-ຊຽງຂວາງ-ວຽງຈັນ ຈະໄດ້ຢຸດໃຫ້ບໍລິການ ແກ່ ລູກຄ້າ. ເລີ່ມແຕ່ວັນທີ 01 ຕຸລາ 2024 – 31 ພຶດສະພາ 2025 ຊຶ່ງເປັນເວລາ 243 ວັນ.
ນະໂອກາດນີ້, ສາຍການບິນ ລາວສະກາຍເວ/ LAO SKYWAY ຂໍສະແດງຄວາມຮູ້ບຸນຄຸນເປັນຢ່າງຍິ່ງ ແລະ ຂໍຂອບໃຈ ເປັນຢ່າງສູງ ມາຍັງລູກຄ້າ, ການຈັດຕັ້ງຂັ້ນເທິງທຸກພາກສ່ວນ ທີ່ໃຫ້ການສະໜັບສະໜູນສາຍການບິນ ລາວ ສະກາຍເວ ດ້ວຍດີຕະຫຼອດມາ.
ດັ່ງນັ້ນ, ຈຶ່ງແຈ້ງການ ມາຍັງພາກສ່ວນທີ່ກ່ຽວຂ້ອງເພື່ອຊາບ.