ຍິນດີນຳ 4 ນັກກິລາເທຄວັນໂດ້ລາວ ໄດ້ 2 ຫລຽນຄຳ 1 ຫລຽນເງິນ 1 ຫລຽນທອງ ການແຂ່ງຂັນເທຄວັນໂດ້ນາໆຊາດ ລາຍການ Seongnam Open International Championship 2024 ທີ່ສາທາລະນະລັດເກົາຫຼີ ໃນທ້າຍອາທິດຜ່ານມາ.

ຫລຽນຄຳທີ 1 ໄດ້ຈາກ: ທ້າວ ລັດຕະນະພອນ ລັດຕະນະປະເສີດ ຫລື ນ້ອງໂອນນີ້ ອາຍຸ 13 ປີ ຈາກສະໂມສອນ PMS ໃນ Class A ປະເພດຕໍ່ສູ້ ຮຸ່ນນໍ້າໜັກ 49 ກິໂລ ຮອບທີ 1 ຊະນະນັກກິລາຈາກຈີນ, ຮອບທີ 2 ຊະນະນັກກິລາຈາກເຈົ້າພາບ ສາທາລະນະລັດເກົາຫລີ ແລະ ຮອບທີ 3 ຊະນະນັກກິລາຈາກຈີນ ຄວ້າຫລຽນຄຳມາຄອງ, ສ່ວນຫລຽນຄຳທີ 2 ໄດ້ຈາກ: ນາງ ມາຢ້າ ສອນ ປະເພດຟ້ອນປຸມເຊ້ ຮຸ່ນອາຍຸບໍ່ເກີນ 14 ປີ ຈາກແຂວງຫລວງພະບາງ.

ຫລຽນເງິນ ໄດ້ຈາກ ນາງ ພອນນະພາ ຊານິກຽນ ປະເພດຕໍ່ສູ້ຮຸ່ນເຍົາວະຊົນ ນໍ້າໜັກ 51 ກິໂລ ຈາກສະໂມສອນລ້ານຊ້າງ.
2 ຫລຽນທອງ ໄດ້ຈາກ: ນາງ ນະລິນດາ ເຂັມມາລາ ອາຍຸ 12 ປີ ໃນ Class A ປະເພດຕໍ່ສູ້ ຮຸ່ນນໍ້າໜັກ 46 ກິໂລ ຈາກສະໂມສອນ PMS ແລະ ອີກໜຶ່ງຫລຽນທອງຈາກ ນາງ ແສງດາວ ຫອມສົມບັດ ປະເພດຕໍ່ສູ້ຮຸ່ນເຍົາວະຊົນ ນໍ້າໜັກ 48 ກິໂລ ຈາກສະໂມສອນລ້ານຊ້າງ.

ສຳລັບການແຂ່ງຂັນຄັ້ງນີ້ ມີນັກກິລາຈາກເຈົ້າພາບ ແລະ ຕ່າງປະເທດ ເຂົ້າຮ່ວມຢ່າງຟົດຟື້ນ ສະເພາະ ເທຄວັນໂດ້ລາວສົ່ງນັກກິລາເຂົ້າຮ່ວມ 6 ຄົນ, ຍິງ 4 ຄົນ, ຊາຍ 2 ຄົນ.

ແຫຼາງຂ່າວ: ຂ່າວກິລາ