spot_img
Homeຂ່າວພາຍ​ໃນຜູ້ຕິດເຊື້ອໄຂ້ຍຸງ 1,000 ກວ່າຄົນ

ຜູ້ຕິດເຊື້ອໄຂ້ຍຸງ 1,000 ກວ່າຄົນ

Published on

ປັດຈຸບັນ, ທົ່ວນະຄອນຫຼວງວຽງຈັນ (ນວ) ມີຜູ້ຕິດເຊື້ອພະຍາດໄຂ້ຍຸງລາຍສະສົມ 1.000 ກວ່າຄົນ. ໃນນັ້ນ, ເມືອງໄຊເສດຖາ ມີຜູ້ຕິດເຊື້ອພະຍາດໄຂ້ຍຸງລາຍເກືອບ 200 ຄົນ, ມີຜູ້ເສຍຊີວິດ 2 ຄົນ. ຈັດອັນດັບເປັນອັນ 4 ໃນ 9 ຕົວເມືອງ ນະຄອນຫລວງວຽງຈັນ ທີ່ມີການລະບາດຂອງພະຍາດໄຂ້ຍຸງລາຍ.

May be an image of 1 person

ທ່ານ ຈັນທະໄລ ໄຊຍະວົງ ຫົວໜ້າຫ້ອງການສາທາລະນະສຸກ ເມືອງໄຊເສດຖາ ໄດ້ໃຫ້ຮູ້ເມື່ອບໍ່ດົນມານີ້ວ່າ: ປັດຈຸບັນ, ພະຍາດໄຂ້ຍຸງລາຍກຳລັງລະບາດ. ສະນັ້ນ, ເພື່ອສະກັດກັ້ນ ແລະ ປ້ອງກັນພະຍາດໄຂ້ຍຸງລາຍ ຫລື ໄຂ້ເລືອດອອກ, ຫ້ອງການສາທາລະນະສຸກເມືອງໄຊເສດຖາ ຈຶ່ງໄດ້ເອົາໃຈໃສ່ຈັດຕັ້ງປະຕິບັດມາດຕະການຕ່າງໆ ໃນການປ້ອງກັນພະຍາດດັ່ງກ່າວ, ເຊິ່ງ 6 ເດືອນຕົ້ນປີ 2024 ຫ້ອງການສາທາລະນະສຸກເມືອງ ໄດ້ສົມທົບກັບອຳນາດການປົກຄອງເມືອງ, ບ້ານ, ແພດອາສາສະໝັກບ້ານ(ອສບ) ສ້າງຂະບວນການທໍາລາຍແຫຼ່ງເພາະພັນໜອນ ນໍ້າຍຸງລາຍຢູ່ບ້ານ ທີ່ມີຄວາມສ່ຽງ.

May be an image of 8 people, hospital and text

ພ້ອມນັ້ນ, ຍັງໄດ້ມອບໃຫ້ແຕ່ລະບ້ານ ເປັນເຈົ້າການໃນການເຝົ້າລະວັງດັດສະນີຂອງໜອນນໍ້າຍຸງລາຍ ເພື່ອໃຫ້ແຕ່ລະບ້ານ ໄດ້ປະຕິບັດເປັນປະຈຳທຸກໆອາທິດ ແລ້ວລາຍງານໃຫ້ຫ້ອງການສາທາລະນະສຸກເມືອງ ລົງໄປກວດກາ ແລະ ແກ້ໄຂໃຫ້ທັນເວລາ.
ເຖິງຢ່າງໃດກໍຕາມ, ການຈັດຕັ້ງປະຕິບັດວຽກງານດັ່ງກ່າວ ຍັງມີຂໍ້ຫຍຸ້ງຍາກ ເນື່ອງຈາກວ່າ ໃນປີນີ້, ການລະບາດຂອງພະຍາດໄຂ້ຍຸງລາຍ ຈະບໍ່ເປັນຈຸ້ມ, ເກີດກະແຈກກະຈາຍບ້ານລະຄົນ, ສອງຄົນເຮັດໃຫ້ມີຄວາມຫຍຸ້ງຍາກໃນການສ້າງຂະບວນການຕ່າງໆ ເພື່ອທຳລາຍແຫຼ່ງເພາະພັນໜອນນໍ້າຍຸງລາຍ.

May be an image of 1 person and tree

ນອກຈາກນີ້, ພະຍາດໄຂ້ຍຸງລາຍ ຍັງເປັນພະຍາດລະດູການ ທີ່ເກີດໃນຊຸມຊົນແອອັດ, ຫ້ອງແຖວ ແລະ ອື່ນໆ ທີ່ມີຄວາມເປີະເປື້ອນ ຈຶ່ງເຮັດໃຫ້ບໍ່ສາມາດເຂົ້າເຖິງໄດ້, ພ້ອມນີ້, ຍັງອີງຕາມສະພາບເສດຖະກິດໃນປັດຈຸບັນ, ຈຶ່ງເຮັດໃຫ້ບໍ່ສາມາດຕອບສະໜອງສານເຄມີ ຫຼື ຢາຕ່າງໆເພື່ອນໍາໄປພົ່ນຂ້າໜອນນໍ້າຍຸງລາຍ, ງົບປະມານບໍ່ພຽງພໍຕໍ່ວຽກງງານດັ່ງກ່າວ, ຄວາມລື້ງເຄີຍຂອງປະຊາຊົນຕໍ່ພະຍາດໄຂ້ຍຸງລາຍ ຖືວ່າເປັນເລື່ອງທຳມະດາ.

May be an image of 2 people

ໂອກາດນີ້, ທ່ານ ຍັງຝາກເຖິງປະຊາຊົນໃຫ້ເອົາໃຈໃສ່ໃນການຮັບຮູ້ຂໍ້ມູນຂ່າວສານທາງດ້ານໄຂ້ຍຸງລາຍ ຫລື ໄຂ້ເລືອດອອກ, ເປັນພະມີຄວາມອັນຕະລາຍຮ້າຍແຮງເຖິງແກ່ຊີວິດໄດ້ ໂດຍສະເພາະປັດຈຸບັນເປັນລະດູຝົນ ເປັນລະດູການພະ ຍາດໄຂ້ຍຸງລາຍ, ຈົ່ງມີສະຕິໃນການປ້ອງກັນໂດຍປະຕິບັດຫຼັກການ 5 ປ ທີ່ກະຊວງສາທາລະນະສຸກວາງອອກ. ຖ້າບໍ່ສະບາຍ, ເຈັບເປັນ ບໍ່ຄວນຊື້ຢາມາກິນເອງ, ຄວນໄປປຶກສາແພດໝໍໂດຍດ່ວນເຊັ່ນ: ໂຮງໝໍສູນກາງ, ແຂວງ, ເມືອງ, ສຸກສາລາ, ສະຖານທີ່ໃຫ້ບໍລິການຕ່າງໆ.

ຂ່າວ: ປະເທດລາວ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...