Homeຂ່າວພາຍ​ໃນສາເຫດປະລະການຮຽນຊັ້ນປະຖົມໃນ ນວ

ສາເຫດປະລະການຮຽນຊັ້ນປະຖົມໃນ ນວ

Published on

ທ່ານ ນາງ ລີປ່າເອ້ຍ ບົວປາວ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ຊີ້ແຈງໃນກອງປະຊຸມສະໄໝສາມັນເທື່ອທີ 7 ຂອງກອງປະຊຸມສະພາປະຊາຊົນ ນວ ຊຸດທີ II ໃນວັນທີ 10 ກໍລະກົດຜ່ານມາວ່າ: ອີງຕາມຜົນກອງປະຊຸມວິເຄາະວິໄຈສະພາບການສຶກສາທົ່ວ ນວ ຄັ້ງວັນທີ 12-16 ກຸມພາ 2024 ສາເຫດຫຼັກຂອງການປະລະການຮຽນຊັ້ນປະຖົມມີ 5 ສາເຫດຄື: 1. ຍ້ອນສະພາບເສດຖະກິດ-ສັງຄົມໃນປັດຈຸບັນ, 2.ການຍົກຍ້າຍ ແລະ ຮັບເອົານັກຮຽນບໍ່ມີເອກະສານ, 3. ການຍົກຍ້າຍບ່ອນເຮັດວຽກຂອງຜູ້ປົກຄອງ, 4. ຜູ້ປົກຄອງພາລູກຫຼານໄປເຮັດວຽກຢູ່ຕ່າງປະເທດ ແລະ ບ່ອນທໍາການຜະລິດ., 5. ຍົກຍ້າຍໂດຍບໍ່ຮູ້ສາເຫດ (ຕິດຕໍ່ບໍ່ໄດ້).

อาจเป็นรูปภาพของ 1 คน และ แท่นบรรยาย

ເພື່ອແກ້ໄຂບັນຫາດັ່ງກ່າວ, ພະແນກສຶກສາທິການ ແລະ ກິລາ ນວ ຈະໄດ້ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງ ຄື: ແຕ່ງຕັ້ງຄະນະຮັບຜິດຊອບໂດຍສົມທົບກັບອົງການປົກຄອງເມືອງ, ຫ້ອງການສຶກສາທິການ ແລະ ກິລາເມືອງ ລົງຕິດຕາມຜູ້ປະລະການຮຽນເພື່ອຊຸກຍູ້ໃຫ້ເຂົ້າມາຮຽນຄືນ ແລະ ປ້ອງກັນບໍ່ໃຫ້ມີການປະລະເພີ່ມຕື່ມ, ໂຄສະນາໃຫ້ຜູ້ປົກຄອງນັກຮຽນເຫັນໄດ້ຄວາມສຳຄັນຂອງວຽກງານການສຶກສາ ແລະ ໃຫ້ນຳເອົາລູກຫຼານມາເຂົ້າໂຮງຮຽນຕາມເກນອາຍຸ.

Going back to school in the new normal setting. | UNICEF Lao People's  Democratic Republic

ນອກນີ້, ໃຫ້ຕິດຕາມຜູ້ທີ່ມີກຸ່ມສ່ຽງທີ່ຈະອອກໂຮງຮຽນ, ພ້ອມກັບການສຶກສາອົບຮົມ, ລະດົມແນວຄວາມຄິດແກ່ນັກຮຽນໃຫ້ກັບມາສົນໃຈຕໍ່ການຮຽນໃຫ້ຫຼາຍຂຶ້ນ, ສ້າງແຮງຈູງໃຈໃຫ້ແກ່ລູກຫຼານນັກຮຽນມາໂຮງຮຽນຢ່າງເປັນປົກກະຕິ, ເກັບກໍາໂຕເລກຜູ້ທີ່ປະລະການຮຽນ ແລະ ສາເຫດຂອງການປະລະ ໃນຊັ້ນມັດທະຍົມຕອນຕົ້ນ ແລະ ມັດທະຍົມຕອນປາຍ ເພື່ອຊຸກຍູ້ໃຫ້ກັບເຂົ້າມາຮຽນບໍາລຸງຕໍ່ໃນສາຍການສຶກສານອກໂຮງຮຽນໃຫ້ຈົບຕາມກົດໝາຍການສຶກສາໄດ້ກຳນົດໄວ້.

ຂ່າວ: ແສງຈັນ, ໜັງສືພິມປະຊາຊົນ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...