ສຳນັກຂ່າວຕ່າງປເທດລາຍງານໃນວັນທີ 2 ກໍລະກົດ 2024 ຜ່ານມາ, ເກີດເຫດການສະຫຼົດໃນອິນເດຍ ຂະນະທີ່ຜູ້ຄົນຈຳນວນຫຼາຍກຳລັງລວມໂຕກັນເພື່ອຮ່ວມພິທີທາງສາດສະໜາຮິນດູ ທີ່ຢູ່ໃຫ້ກັບເມືອງ ຫາຖະຣັສ ທາງຕອນເໜືອຂອງປະເທດອິນເດຍ ແຕ່ເກີດເຫດການບໍ່ຄິດຂຶ້ນເມື່ອຄົນຈຳນວນຫຼາຍພາກັນແອອັດ ແລະ ຢຽບກັນຕາຍ ໂດຍຫຼ້າສຸດມີລາຍງານຜູ້ເສຍຊີວິດແລ້ວຢ່າງນ້ອຍ 121 ຄົນ.
ຕາມການລາຍງານເບື້ອງຕົ້ນໄດ້ລະບຸວ່າ: ເຫດການດັ່ງກ່ວເກີດຂຶ້ນຫຼັງຈາກພາຍຸຝຸ່ນພັດເຂົ້າ ຈົນເຮັດໃຫ້ຜູ້ທີ່ກຳລັງຍ່າງແນມບໍ່ເຫັນທາງດ້ານໜ້າ ຈົນເກີດຄວາມວຸ່ນວາຍຂຶ້ນ ແລະ ເປັນສາເຫດເຮັດໃຫ້ຢຽບກັນຕາຍ ໂດຍຜູ້ເສຍຊີວິດສ່ວນໃຫຍເປັນຜູ້ຍິງກັບເດັກນ້ອຍ ນອກຈາກນີ້ຍັງມີລາຍງານຜູ້ໄດ້ຮັບບາດເຈັບອີກຫຼາຍສິບຄົນ.
ສຳນັກຂ່າວເອເອັບພີລາຍງານວ່າມີຜູ້ເຂົ້າຮ່ວມພິທີທາງສາສະໜາດັ່ງກ່າວຫຼາຍກວ່າ 15,000 ຄົນ ທັງທີ່ໄດ້ຮັບອະນຸຍາດໃຫ້ຈັດພຽງແຕ່ 5,000 ຄົນເທົ່ານັ້ນ.
ແຫຼ່ງຂ່າວ: ມະຕິຊົນ