ທ່ານນາງ ອຳໄພວອນ ລ້ອມບຸນແພງ, ກໍາມະການຄະນະປະຈໍາສະພາແຫ່ງຊາດ, ເລຂາທິການສະພາແຫ່ງຊາດ ໃຫ້ຮູ້ວ່າ: ໃນໄລຍະດໍາເນີນກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດ ຊຸດທີ IX ແຕ່ວັນທີ 10 ມິຖຸນາ-ວັນທີ 2 ກໍລະກົດ 2024 ມີປະຊາຊົນ ໃນຂອບເຂດທົ່ວປະເທດສົ່ງຄໍາຄິດຄໍາເຫັນຜ່ານໂທລະສັບສາຍດ່ວນໂດຍບໍ່ເສຍຄ່າ(156) ຈໍານວນ 860 ສາຍ, ສາມາດສັງລວມເປັນ 455 ເລື່ອງ, ເຊິ່ງພົວພັນເຖິງສະພາບການພັດທະ ນາເສດຖະກິດ-ສັງຄົມ ໂດຍສະເພາະແມ່ນບັນຫາໄພເງິນເຟີ້, ອັດຕາແລກປ່ຽນເໜັງຕີງແຮງ, ຄ່າຄອງຊີບສູງຂຶ້ນ, ການຄຸ້ມຄອງບໍລິຫານລັດ, ການພັດທະນາທີ່ມີຜົນກະທົບຕໍ່ສັງຄົມ ແລະ ສິ່ງແວດລ້ອມ.
ທ່ານຍັງໃຫ້ຮູ້ຕື່ມວ່າ: ຕໍ່ກັບຄໍາຄິດເຫັນຂອງປະຊາຊົນທີ່ສົ່ງມາທາງໂທລະສັບສາຍດ່ວນດັ່ງກ່າວ ກອງເລຂາກອງປະຊຸມໄດ້ສັງລວມແລ້ວ ຈະມອບໃຫ້ກຳ ມາທິການທີ່ກ່ຽວຂ້ອງ ເພື່ອປະສານສົມທົບກັບບັນດາກະຊວງ, ພາກສ່ວນກ່ຽວຂ້ອງກໍ່ຄືອຳນາດອົງການປົກຄອງທ້ອງຖິ່ນ ເພື່ອຄົ້ນຄວ້າຊອກວິທີແກ້ໄຂໃຫ້ຖືກຕ້ອງສອດຄ່ອງຕາມກົດໝາຍ ແລະ ລະບຽບການເພື່ອຕອບສະໜອງຄວາມຄອງຄອຍຂອງປະຊາຊົນລາວບັນດາເຜົ່າ.
ຂ່າວ: ວສລ ພາບ: ປະຊາຊົນ