spot_img
Homeຂ່າວກິລາສຕລ ປະກາດລາຍຊື່ນັກເຕະ 23 ຄົນສຸດທ້າຍ ລຸຍການແຂ່ງຂັນບານເຕະຮຸ່ນບໍ່ເກີນ 16 ປີ

ສຕລ ປະກາດລາຍຊື່ນັກເຕະ 23 ຄົນສຸດທ້າຍ ລຸຍການແຂ່ງຂັນບານເຕະຮຸ່ນບໍ່ເກີນ 16 ປີ

Published on

ສະຫະພັນບານເຕະແຫ່ງຊາດລາວປະກາດລາຍຊື່ນັກກິລາ 23 ຄົນສຸດທ້າຍ ເຂົ້າຮ່ວມ ການແຂ່ງຂັນບານເຕະຮຸ່ນບໍ່ເກີນ 16 ປີ ASEAN Boy’ Championship 2024 ທີ່ປະເທດອິນໂດເນເຊຍ.

ຫຼັງຜ່ານການເກັບຕົວຝຶກຊ້ອມນັບຕັ້ງ ແຕ່ວັນທີ 01 ພຶດສະພາ 2024 ເປັນຕົ້ນມາ ໂດຍແມ່ນທ່ານ ກັນລະຍາ ສີສົມຫວັງ ຫົວໜ້າຄູຝຶກ ທີມຊາດລາວU16 ໄດ້ຮຽກຕົວນັກກິລາເຍົາວະຊົນໃນເບື້ອງຕົ້ນຈຳນວນ 39 ຄົນເຂົ້າສູນຝຶກຊ້ອມ. ມາຮອດວັນທີ 17 ມິຖຸນາ 2024 ສະຫະພັນບານເຕະແຫ່ງຊາດລາວ(ສຕລ) ໄດ້ປະກາດລາຍຊື່ 23 ຄົນສຸດທ້າຍ ເຂົ້າຮ່ວມ ການແຂ່ງຂັນບານເຕະຮຸ່ນບໍ່ເກີນ 16 ປີ ຊີງແຊ້ມອາຊຽນ 2024 ASEAN U16 BOY’S CHAMPIONSHIP 2024 ເຊິ່ງຈະຈັດຂຶ້ນຢູ່ທີ່ປະເທດອິນໂດເນເຊຍລະຫວ່າງວັນທີ 21 ມິຖຸນາ ຫາ 04 ກໍລະກົດ 2024 ມີລາຍຊື່ດັ່ງນີ້:

ຜູ້ຮັກສາປະຕູ: ທິດສາຄອນ ສຳລີວົງຫວັດ ຈາກສະໂມສອນ ຈຳປາສັກ, ໄຊສົມພົງ ທີບພະວົງ ຈາກແຂວງ ບໍລິຄໍາໄຊ, ອານຸໄຊ ສີວັນທອງ ຈາກສະໂມສອນ ນ້ຳທາ ຢູໄນເຕັດ.

ກອງຫຼັງ: ບຸນທະສັກ ຈັນດາລາ ຈາກສະໂມສອນ ຊ້າງນ້ອຍ, ພີສີດ ອໍຣ໌ ຈາກສະໂມສອນ ຊ້າງນ້ອຍ, ທັດສະພອນ ຄໍາພານິດ ຈາກສະໂມສອນ ຈຳປາສັກ, ໄຊຍະສິດ ຈິດປະສົງ ຈາກສະໂມສອນ ຈຳປາສັກ, ກິ ມູນກັນຍາ ຈາກສະໂມສອນ ມາສເຕີ້ 7, ພົມມະສອນ ນິລະວົງ ຈາກສະໂມສອນ ມາສເຕີ້ 7, ກາດຳ ກອນເຍີ ຈາກສະໂມສອນ ຊ້າງນ້ອຍ.

ກອງກາງ: ບິນລີ້ ໂດນສະໜຸພິດ ຈາກສະໂມສອນ ເອສະຣາ, ໄຊຍະຫວັດ ວັນສະຫວັດ ຈາກສະໂມສອນ ຈຳປາສັກ, ຊາຍຄິດ ໂຄດໂຍທາ ຈາກສະໂມສອນ ມາສເຕີ້ 7, ສູນດາວີ ແສງດາລາ ຈາກສະໂມສອນ ນ້ຳທາ ຢູໄນເຕັດ, ປະລິນເດດ ເພັດຕະກູນ ຈາກສະໂມສອນ ມາສເຕີ້ 7, ບຸນປະເສີດ ແສງສະຫວ່າງ ຈາກສະໂມສອນ ເອສະຣາ, ວົງເດືອນ ສຸລິບັນ ຈາກສະໂມສອນ ມາສເຕີ້ 7, ພຸດທະສັກ ສີຫາໂຄດ ຈາກສະໂມສອນ ບໍ່ແກ້ວ.

ກອງໜ້າ: ພະຍັກ ສີພະນົມ Chainat Hornbill Football Club, ຊີການດາ ໄຊສົງຄາມ ຈາກສະໂມສອນ ຈຳປາສັກ, ພຸດພະໄຕ ຈັນທະລັງສີ ຈາກສະໂມສອນ ມາສເຕີ້ 7, ດາວພະຫັດ ກໍ່າກາຊົມພູ ຈາກສະໂມສອນ ມາສເຕີ້ 7, ທະນາກອນ ຈັນທະວົງ ຈາກສະໂມສອນ ວຽງຈັນ ເອັຟທີ.

ການແຂ່ງຂັນລາຍການດັ່ງກ່າວມີ 12 ປະເທດເຂົ້າຮ່ວມແລະແບ່ງອອກເປັນ 3 ກຸ່ມ, ກຸ່ມລະ 4 ທີມ ຄັດເອົາອັນດັບ 1 ຂອງແຕ່ລະກຸ່ມ ຜ່ານເຂົ້າສູ່ຮອບຮອງຊະນະເລີດ ແລະ ອັນດັບ 2 ທີ່ມີຄະແນນດີທີ່ສຸດ 1 ທີມຜ່ານເຂົ້າຮອບຮອງຊະນະເລີດ.

– ກຸ່ມ A : ອິນໂດເນເຊຍ ເຈົ້າພາບ, ລາວ, ຟີລິບປິນ, ສິງກະໂປ

– ກຸ່ມ B: ຫວຽດນາມ, ມຽນມາ, ກຳປູເຈຍ, ບຣູໄນ

– ກຸ່ມ C: ໄທ, ມາເລເຊຍ, ຕີມໍ ເລສເຕ ແລະ ອົສຕຣາລີ.

ຕາຕະລາງແຂ່ງຂັນທີມຊາດລາວມີດັ່ງນີ້:

– ວັນທີ 21/6/2024 ເວລາ 15:00 ລາວ ພົບ ຟີລິບປິນ

– ວັນທີ 24/6/2024 ເວລາ 15:00 ສິງກະໂປ ພົບ ລາວ

– ວັນທີ 27/6/2024 ເວລາ 19:30 ອິນໂດເນເຊຍ ເຈົ້າພາບ ພົບ ລາວ

ທັງ 3 ນັດແຂ່ງຂັນຢູ່ທີ່ສະໜາມ Manahan Stadium

ກຳນົດການເດີນທາງຂອງທີມຊາດລາວ ແມ່ນຈະອອກເດີນທາງ ໃນຕອນບ່າຍວັນທີ 18 ມິຖຸນາ 2024 ແລະ ຈະພັກຢູ່ທີ່ປະເທດໄທ 1 ມື້, ຫລັງຈາກນັ້ນຈະເດີນທາງຈາກ ປະເທດໄທ ໄປສູ່ ປະເທດອິນໂດເນເຊຍ ໃນຕອນເຊົ້າ ວັນທີ 19 ມິຖຸນາ 2024.

ແຫຼ່ງຂ່າວ: ສະຫະພັນບານເຕະແຫ່ງຊາດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...