ຄີມນວດຜົມທີ່ສາວໆໃຊ້ຢູ່ທຸກມື້ ສາວໆເຄີຍຮູ້ບໍ່ວ່າ ຄີມນວດມີປະໂຫຍດອື່ນໆທີ່ໜ້າສົນໃຈນຳອີກ
1. ຄີມນວດຜົມ ແບບ Leave in ໃຊ້ຈັດຊົງຜົມໄດ້ Leave-in conditioner ສາມາດຈັດຊົງໃຫ້ຜົມເຈົ້າເປັນຄື້ນງາມໄດ້ ພຽງແຕ່ໂຮຍ Leave-in conditioner ໃຫ້ທົ່ວຜົມທີ່ໝາດໆ ແລ້ວຫວີ
2. ໃຫ້ຄວາມຊຸ່ມຊື້ນກັບຮູຂຸມຂົນເທິງໝັງຫົວໄດ້ ໃນຊ່ວງອາກາດໜາວ ຜົມຂອງສາວໆຈະແຫ້ງຫລາຍ ຄວນໃຊ້ຄີມນວດຜົມແບບ deep conditioning mask ເດືອນລະເທື່ອ ລັງແຄ ແລະ ໜັງຫົວທີ່ ແຫ້ງກໍຈະຫາຍໄປ ເຮັດໃຫ້ຜົມຂອງສາວໆນຸ່ມຊຸ່ມຊື້ນ
- ໃສ່ ຄີມນວດຜົມ ກ່ອນຢາຊະຫົວ ຜູ້ຊ່ຽວຊານກ່າວວ່າ ຄີມນວດຜົມມັກຈະຖືກລ້າງອອກບໍ່ໝົດ ແລະ ຄີມນວດຜົມຈະເຮັດໃຫ້ຜົມຂອງເຈົ້າຍິ່ງມີນ້ຳໜັກ ແຕ່ຖ້າໃຜທີ່ບໍ່ຢາກໃຫ້ຜົມຟູ ເຮົາແນະນຳໃຫ້ໃຊ້ຄີມນວດກ່ອນຢາຊະຫົວ
4. ເລືອກຄີມນວດຜົມໃຫ້ເໝາະກັບເສັ້ນຜົມຈຶ່ງຈະໄດ້ຜົນ ຖ້າຜົມເສັ້ນນ້ອຍບາງ ໃຫ້ໃຊ້ຄີມນວດຜົມທີ່ເພີ່ມນ້ຳໜັກໃຫ້ເສັ້ນຜົມ ແຕ່ຖ້າເປັນສາວຜົມໜາ ໃຫ້ໃຊ້ຄີມນວດຜົມທີ່ມີສ່ວນປະສົມທີ່ມີນ້ຳມັນນ້ອຍໆ ເພື່ອລຸດຄວາມມັນ
5. ຫ້າມໂຮຍ ຄີມນວດ ລົງເທິງຮາກຜົມ ຄວນໂຮຍພຽງປາຍຜົມເຖິງກາງຜົມເທົ່ານັ້ນ ຊຶ່ງເປັນສ່ວນທີ່ເສັ້ນຜົມຕ້ອງການ ທີ່ກົກຜົມບໍ່ຈຳເປັນ
6. ຜົມເຮັດສີຕ້ອງການ ການເບິ່ງແຍງທີ່ແຕກຕ່າງ ສາວໆທີ່ມີຜົມເຮັດສີ ຕ້ອງໃຊ້ຄີມນວດຜົມແບບ Deep conditioning ເພາະຈະເພີ່ມຄວາມຊຸ່ມຊື່ນໃຫ້ກັບເສັ້ນຜົມທີ່ຖືກເຮັດຮ້າຍ ແລະ ເຮັດໃຫ້ສີຜົມຕິດດົນຍາວນານຍິ່ງຂຶ້ນ ແລະເບິ່ງແຍງເປືອກຊັ້ນນອກຂອງເສັ້ນຜົມ
7. ຄີມນວດ ບາງປະເພດກໍເຮັດຮ້າຍຜົມຂອງເຈົ້າໄດ້ ຄີມນວດມັກຈະໃສ່ແຮ່ທາດຕ່າງໆທີ່ມີປະໂຫຍດຕໍ່ເສັ້ນຜົມ ໂດຍໃຊ້ຊິລິໂຄນລົງໃນຜະລິດຕະພັນ ຖ້າເຈົ້າຢາກໃຊ້ຜະລິດຕະພັນທີ່ບໍ່ມີສານຊິລິໂຄນ ໃຫ້ເບິ່ງທີ່ຜະລິດຕະພັນທີ່ມີຄຳວ່າ“silicone-free” ທີ່ບໍ່ເຮັດຮ້າຍເສັ້ນຜົມ