spot_img
Homeຂ່າວຢາເສບຕິດກັກຕົວກຸ່ມມົ້ວສຸມສິ່ງເສບຕິດ ແລະ ເຈົ້າຂອງຮ້ານບັນເທິງໄດ້ທັງໝົດ 55 ຄົນ ພ້ອມຂອງກາງຈຳນວນຫຼາຍລາຍການ

ກັກຕົວກຸ່ມມົ້ວສຸມສິ່ງເສບຕິດ ແລະ ເຈົ້າຂອງຮ້ານບັນເທິງໄດ້ທັງໝົດ 55 ຄົນ ພ້ອມຂອງກາງຈຳນວນຫຼາຍລາຍການ

Published on

ໃນວັນທີ 03 ມີຖຸນາ 2024 ນີ້ ກອງບັນຊາການ ປກສ ແຂວງສະຫວັນນະເຂດ ໄດ້ຮັບການລາຍງານຈາກພົນລະເມືອງດີວ່າ: ຢູ່ຮ້ານແຫ່ງໜຶ່ງ ໄດ້ເປີດບໍລິການກາຍໂມງເວລາ ແລະມີການມົ້ວສຸມ ສິ່ງເສບຕິດ ດັ່ງນັ້ນທາງກອງບັນຊາການ ປກສ ແຂວງສະຫວັນນະເຂດ ຈິ່ງໄດ້ແຕ່ງຕັ້ງເຈົ້າໜ້າທີ່ພະແນກຕໍາຫຼວດ ສະກັດກັ້ນ ແລະ ຕ້ານຢາເສບຕິດ, ສົມທົບກັບກອງບັນຊາການ ປກສ ນະຄອນໄກສອນພົມວິຫານ, ກອງພັນປ້ອງກັນເຄື່ອນທີ່ ປກສ ແຂວງ ແລະ ພາກສ່ວນທີ່ກຽ່ວຂ້ອງລົງກວດກາສະຖານທີ່ຮ້ານບັນເທິງດັ່ງກ່າວ.

ໃນເວລາປະມານ 04 ໂມງເຊົ້າຂອງວັນດຽວກັນ ທາງເຈົ້າໜ້າທີ່ວິຊາສະເພາະກໍ່ໄດ້ປະຕິບັດການເຂົ້າກວດຄົ້ນສະຖານທີ່ຮ້ານບັນເທິງ ສະຫວັນລາຕີ ເຊິ່ງຕັ້ງຢູ່ບ້ານໂພນສະຫວ່າງເໜືອນະຄອນໄກສອນພົມວິຫານແຂວງສະຫວັນນະເຂດ ຜ່ານການເຂົ້າກວດຄົ້ນພົບເຫັນຄົນທີ່ມາໃຊ້ບໍລິການ ລວມທັງເຈົ້າຂອງຮ້ານ ແລະ ພະນັກງານໃນຮ້ານລວມທັງໝົດ 55 ຄົນ, ຍິງ 25 ຄົນ, ເຊິ່ງໃນນີ້ມີຄົນ ສັນຊາດ ໄທ ຈຳນວນ 03 ຄົນ, ສັນຊາດ ຫວຽດນາມ ຈໍານວນ 07 ຄົນ ແລະ ສັນຊາດຈີນ ຈໍານວນ 04 ຄົນ, ພາຫະນະລົດໃຫຍ່ ຈໍານວນ 14 ຄັນ, ລົດຈັກ 13 ຄັນ ແລະສິ່ງທີ່ຜິດກົດໝາຍ ຢາເສບຕິດ ປະເພດຢາໄອສ໌ ຈຳນວນ 01 ຖົງນ້ອຍ, ຢາເຄຈຳນວນ 03 ຖົງນ້ອຍ, ບັ້ງອົກຊີ ບັນຈຸສານເສບຕິດຈຳນວນ 03 ບັ້ງ, ຄໍລາເຈນປະສົມສານເສບຕິດ 02 ຊອງ, ຢາສູບໄຟຟ້າ ພັອດ ຈໍານວນ 08 ອັນ, ໝາກປຸ່ມເປົ້າສູບແລ້ວ ຈໍານວນ 47 ໜ່ວຍ, ເງິນກີບຈຳນວນ 3.051.000 ກີບ, ເງິນບາດ ຈຳນວນ 1.200 ບາດ.

ຜ່ານການກວດນໍ້າປັດສະວະໃນກຸ່ມມົ້ວສຸມ ທັງຫມົດ 55 ຄົນ, ຍິງ 25 ຄົນ: ພົບສານເສບຕິດ ຈໍານວນ 51 ຄົນ, ຍິງ 25 ຄົນ ໃນນີ້ສັນຊາດລາວ 38 ຄົນ, ຍິງ 24 ຄົນ, ສັນຊາດ ໄທ 02 ຄົນ, ສັນຊາດ ຈີນ 04 ຄົນ, ຫວຽດນາມ 07 ຄົນ, ບໍ່ພົບສານເສບຕິດ 04 ຄົນ ສັນຊາດລາວ 03 ຄົນ, ສັນຊາດ ໄທ 01 ຄົນ.

ສ່ວນວັດຖຸເຄື່ອງຂອງກາງ, ພາຫະນະລົດຈັກ, ລົດໃຫຍ່ ທີ່ຍຶດໄດ້ ທາງເຈົ້າໜ້າທີ່ເປັນຜູ້ເກັບຮັກສາ ສ່ວນເຄຫະສະຖານ ຮ້ານບັນເທິງ ສະຫວັນລາຕີ ແມ່ນມອບໃຫ້ອໍານາດການປົກຄອງບ້ານເປັນຜູ້ຄຸ້ມຄອງ, ປະຈຸບັນຄະດີດັ່ງກ່າວຍັງຢູ່ໃນຂັ້ນຕອນການດໍາເນີນການສືບສວນ – ສອບສວນຂອງເຈົ້າໜ້າທີ່ໃຫ້ລະອຽດຈະແຈ້ງ, ຄົບຖ້ວນ, ພາວະວິໄສ ຕາມຂັ້ນຕອນຂອງກົດໝາຍ.

ແຫຼ່ງຂ່າວ: MediaLAOS

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...