ອີງຕາມຜູ້ບັນຊີເຟສບຸກຊື່ວ່າ: Sivixay Souchalid ໄດ້ອອກມາໂພສເຕືອນເປັນອຸທາຫອນໃຫ້ພໍ່ແມ່ຜູ້ປົກຄອງກໍລະນີທີ່ມີເດັກນ້ອຍກືນຫຼຽນແລ້ວຕິດໃນຮູຄໍ ໂດຍມີເນື້ອໃນລະບຸວ່າ: ໃນວັນພຸດ 29 ພຶດສະພາ 24 ເວລາ 15:15 ໂມງມີເດັກຍີງ ອາຍຸ 4 ປີ ກືນຫລຽນເງິນ, ເຂົ້າມາສຸກເສີນ ແລ້ວ ສົ່ງມາທີ່ພະແນກຊ່ອງກະເພາະ, ລຳໃສ້ ທີ່ໂຮງໝໍເສດຖາທິລາດ ເມືອງສີສັດຕະນາກ ນະຄອນຫຼວງວຽງຈັນ.

ຕາມການລາຍງານລະບຸວ່າ: ທີມແພດຊ່ອງກະເພາະ ແລະ ທີມແພດດົມຢາສະຫລົບໃສ່ທໍ່ຊ່ວຍຫາຍໃຈແລະ ໄດ້ຊ່ວຍເອົາຫລຽນອອກໄດ້ສຳເລັດ ໂດຍທີ່ເດັກນ້ອຍປອດໄພສົ່ງໄປພັກຟື້ນແລະຕິດຕາມ v/s ທີ່ N i c u ຂໍຝາກເປັນອຸທາຫອນສຳລັບພໍ່ແມ່ຜູ້ປົກຄອງທີ່ມີລູກນ້ອຍຄວນເອົາໃຈໃສ່ເບິ່ງແຍງລູກຂອງທ່ານຢ່າງໃກ້ຊິດ ແລະ ໃຫ້ລະມັດລະວັງສິ່ງຂອງ ຫຼື ເຄື່ອງຫຼິ້ນທີ່ມີຂະນາດນ້ອຍເພາະອາດຈະເກີດເຫດການດັ່ງຂ້າງຕົ້ນນີ້ໄດ້.