ອີງຕາມສຳນັກຂ່າວເອເອັບພີລາຍງານໃນວັນທີ 27 ພຶດສະພາ 2024 ກ່ຽງວກັບຄວາມຄືບໜ້າສະຖານະການດິນຖະຫຼົ່ມຮຸນແຮງໃນປະເທດປາປົວນິວກີນີ ທາງການທ້ອງຖິ່ນລາຍງານແຈ້ງຍອດຊາວບ້ານຖືກຝັງທັງເປັນ 2000 ຄົນ ໃນວັນທີ 24 ພຶດສະພາທີ່ຜ່ານມາ ຢູ່ແຂວງ ເອນກ້າ ທາງຕອນເໜືອຂອງປະເທດ.
ຕາມການລາຍງານໝູ່ບ້ານຊົນນະບົດຫ່າງໄກແຫງນີ້ເຄີຍມີຜູ້ຄົນຫຼາຍມາອາໃສຢູ່ເກືອບຖືກຝັງທັງໝົດແບບບໍ່ເຫຼືອຮ່ອງຮອຍ ຫຼັງກ້ອນພູເຂົາມັງກາໂລຖະຫຼົົ່ມລົງມາໄດ້ຝັງເອົາເຮືອນຫຼາຍຫຼັງ ແລະ ຄົນທີ່ກຳລັງນອນຢູ່ໃນບ້ານ ສ້າງຄວາມເສຍຫາຍມະຫາສານ ລວມເຖິງສວນຜັກທີ່ເປັນແຫຼ່ງອາຫານ ລວມເຖິງຜົນກະທົບຢ່າງໜັກຕໍ່ເສດຖະກິດປະເທດ.
ຢ່າງໃດກໍຕາມລະດັບຄວາມເສຍຫາຍຂອງໄພພິບັດຕ້ອງໄດ້ລະດົມຄວາມຮ່ວມມືຈາກທຸກຝ່າຍທັນທີໂດຍທາງການຂອງປາປົວນິວກີນີໄດ້ຮຽກຮ້ອງໃຫ້ສະຫະປະຊາຊາດ ຫຼື ຍູເອັນ ແຈ້ງປະເທດຫຸ້ນສ່ວນເພື່ອການພັດທະນາຂອງປາປົວນິວກິນີ ແລະ ມິດລະຫວ່າງປະເທດອື່ນໆກ່ຽວກັບສະຖານະການທີ່ເກີດຂຶ້ນ ແລະ ຄວາມຊ່ວຍເຫຼືໄດ້ຮັບການປະສານງານຜ່ານສູນໄພພິບັດແຫ່ງຊາດ.