spot_img
Homeຂ່າວພາຍ​ໃນເສັ້ນທາງຫຼວງພະບາງ ຫາ ເມືອງປາກແຊງ

ເສັ້ນທາງຫຼວງພະບາງ ຫາ ເມືອງປາກແຊງ

Published on

ໃນຕອນຄໍ່າຄືນຂອງ ວັນທີ 20 ພຶດສະພາທີ່ຜ່ານມາ, ມີຝົກຕົກແຮງຕິດຕໍ່ກັນຫຼາຍຊົ່ວໂມງເຮັດໃຫ້ນໍ້າຫ້ວຍຫຼາຍສາຍ ເກີດມີນ້ຳປ່າໄຫຼຊຸ ກະທົບໃສ່ແຫຼ່ງນໍ້າຫ້ວຍອວງ, ບ້ານສະຄິງ ແລະ ໄຫຼຖ້ວມເສັ້ນທາງຫຼວງຂອງແຂວງເລກທີ 2505 (ເສັ້ນທາງນະຄອນຫຼວງພະບາງ ຫາ ເມືອງປາກແຊງ) ເຮັດໃຫ້ມີຂີ້ເຫຍື້ອ, ງ່າໄມ້ຕັນທໍ່ນ້ຳລອດທາງ, ເຊິ່ງນ້ຳໄດ້ໄຫຼຖ້ວມທາງ ແລະ ກັດເຊາະເສັ້ນທາງຈົນຂາດ ການສັນຈອນໄປມາຈື່ງໄດ້ຢຸດຊົ່ວຄາວ.

May be an image of 3 people, motorcycle and road

ຕໍ່ກັບເຫດການດັ່ງກ່າວ, ທ່ານ ສຸດາວັນ ພັນຈັກຂັນ ເຈົ້າເມືອງປາກແຊງ ພ້ອມດ້ວຍຄະນະ ໄດ້ໄປກວດກາຕົວຈິງ ທັງປຸກລະດົມພາກສ່ວນນັກທຸລະກິດຢູ່ພາຍໃນເມືອງ, ເພື່ອປະກອບສ່ວນການສ້ອມແປງ ແລະ ແກ້ໄຂສຸກເສີນ, ເພື່ອເຮັດໃຫ້ການສັນຈອນສາມາດໄປມາໄດ້ໂດຍພື້ນຖານ, ພາຍຫຼັງໃນການສ້ອມແປງສຸກເສີນໃຫ້ສໍາເລັດ ຈະມີການປັບຕື່ມໃນຫຼັງລະດູຝົນ ເພື່ອໃຫ້ການສັນຈອນໄດ້ມີຄວາມສະດວກເປັນປົກກະຕິ.

อาจเป็นรูปภาพของ 1 คน, ถนน และ พื้นหญ้า

ທ່ານ ອຸນຄຳ ບຸນເພັງ ຍັງໄດ້ຮຽກຮ້ອງໃຫ້ຜູ້ໃຊ້ລົດ ໃຊ້ຖະໜົນ ຈົ່ງມີສະຕິໃນການຂັບຂີ່ພາຫະນະໃນໄລຍະລະດູຝົນ ເພື່ອເຮັດໃຫ້ທຸກຄົນມີຄວາມປອດໄພ, ພ້ອມທັງຮຽກຮ້ອງໃຫ້ອົງການປົກຄອງບ້ານ ຈົ່ງເປັນເຈົ້າການ ເຝົ້າລະວັງສະພາບທີ່ຈະກະທົບເຖິງການສັນຈອນ ຫາກເກີດມີບັນຫາຕິດຄັດ ໃຫ້ເລັ່ງແກ້ໄຂ ແລະ ສະເໜີຕໍ່ພາກສ່ວນກ່ຽວຂ້ອງໂດຍດ່ວນ ເພື່ອຮັບປະກັນບໍ່ໃຫ້ການສັນຈອນຕິດຄັດເປັນເວລາດົນ.

ຂ່າວ: ແກ່ນຄຳ ສົມໃຈປອງ, ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...