ຈັບສະຫຼາກແບ່ງສາຍການແຂ່ງຂັນບານເຕະຊີງແຊ໋ມອາຊຽນ ປະຈຳປີ 2024 ຫຼື ASEAN Mitsubishi Electric Cup 2024 ທີ່ນະຄອນຫຼວງຮ່າໂນ້ຍ ສສ ຫວຽດນາມ ໃນວັນທີ 21 ພຶດສະພາ 2024 ໂດຍ ສປປ ລາວ ຖືກຈັດຢູ່ກຸ່ມ ບີ ຮ່ວມກັບ ຫວຽດນາມ, ອິນໂດເນເຊຍ, ຟິລິບປິນ ແລະ ມຽນມາ, ສ່ວນກຸ່ມ ເອ ປະກອບມີ: ໄທ, ມາເລເຊຍ, ສິງກະໂປ, ກຳປູເຈຍ ແລະ ບຣູໄນ/ຕີມໍ.
ສຳລັບການແຂ່ງຂັນບານເຕະ ASEAN Mitsubishi Electric Cup 2024 ຈະແຂ່ງຂັນໃນຮູບແບບເກົ່າ ຮອບແບ່ງສາຍ ແຂ່ງໃນບ້ານ 2 ນັດ ແລະ ນອກບ້ານ 2 ນັດ ເພື່່ອຄັດເອົາທີມແຊ໋ມ ແລະ ຮອງແຊ໋ມກຸ່ມຜ່ານເຂົ້າສູ່ຮອບຮອງຊະນະເລີດ ໂດຍໃນຮອບ 4 ທີມຈະແຂ່ງຂັນແບບໃນບ້ານນອກບ້ານຕໍ່ໄປ. ຊຶ່ງລາຍການນີ້ ຈະແຂ່ງຂັນລະຫວ່າງວັນທີ 24 ພະຈິກ ຫາວັນທີ 21 ທັນວາ 2024.
ແຫຼ່ງຂ່າວ: ໜັງສືພິມສຶກສາ-ກິລາລາຍວັນ