ສຳນັກຂ່າວຕ່າງປະເທດ ລາຍງານວ່າ: ເມື່ອວັນທີ 20 ພຶດສະພາທີຜ່ານມາ, ຜູ້ນຳສູງສຸດຂອງອີຣ່ານໄດ້ປະກາດໃຫ້ມີການໄວ້ອາໄລທົ່ວປະເທດເປັນເວລາ 5 ມື້, ຫຼັງຈາກໄດ້ຮັບການຢືນຢັນວ່າ ທ່ານປະທານນາທິບໍດີອີຣ່ານ ອິບຣາຮິມ ຣາອີຊີ ໄດ້ເສຍຊີວິດແລ້ວຈາກເຫດການຍົນເຮລິຄອບເຕີຕົກຕົກເມື່ອວັນອາທິດທີ່ຜ່ານມາ.
ເຮລິຄອບເຕີລຳດັ່ງກ່າວແມ່ນປະທານນາທິບໍດີໄດ້ໂດຍສານໄປເພື່ອເປີດເຂື່ອນໃໝ່ທີ່ຊາຍແດນຕິດກັບອ່ເຊີໄບຈານ ແລະ ຫາຍສາບສູນໄປໃນວັນທີ 19 ພຶດສະພາທີ່ຜ່ານມາ, ຫຼັງຈາກເກີດເຫດການຂຶ້ນໄດ້ມີການນຳກຳລັງຂົ້າກວດສອບພື້ນທີ່ທີ່ຄາດວ່າ ເຮລິຄອບເຕີຕົກລົງໄປ, ຫຼັງຈາກນັ້ນກໍມີການຢັ້ງຢືນໃນວັນທີ 20 ພຶດສະພາທີ່ຜ່ານມາວ່າພົບຊາກເຮລິຄອບເຕີ ແລະ ລາຍງານວ່າຜູ້ໂດຍສານທັງໝົດແມ່ນເສຍຊີວິດ.ໃນຂະນະນີ້, ຍັງບໍ່ທັນມີການຢັ້ງຢືນແນ່ຊັດວ່າ ສາເຫດຂອງອຸບັດຕິເຫດຄັ້ງນີ້ຂຶ້ນເກີດຈາກຫຍັງ, ແຕ່ໃນຂະນະທີ່ເກີດເຫດພື້ນທີ່ບໍລິເວນຊາຍແດນຕິດກັບອາເຊີໄບຈານມີສະພາບອາກາດບໍ່ດີ ແລະ ມີໝອກໜາ.
ຂ່າວ: BBC