ເຈົ້າໜ້າທີ່ວິຊາສະເພາະ ປກສ ເມືອງວຽງທອງແຂວງບໍລິຄຳໄຊໄດ້ລາຍງານໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ໄດ້ຮັບແຈ້ງຈາກພົນລະເມືອງດີວ່າ: ຢູ່ຮ້ານໃນພັບມີກຸ່ມໄວລຸ້ນທີ່ກຳລັງມົ້ວສຸມສານເສບຕິດ(ຄໍລາເຈນ), ຫຼັງຈາກນັ້ນກໍໄດ້ນຳກຳລັງເຂົ້າກວດຄົ້ນ ພົບເຫັນກຸ່ມໄວລຸ້ນຈຳນວນ 4 ຄົນແລະເຈົ້າຂອງຮ້ານ 1 ຄົນ, ກຳລັງມົ້ວສຸມສານເສບຕິດຢູ່.
ຈາກນັ້ນ, ເຈົ້າໜ້າທີ່ຈື່ງໄດ້ກັກຕົວພວກກ່ຽວພ້ອມກວດກາພົບເຫັນຂອງກາງຊອງກາເຟຄໍລາເຈ່ນ ປະສົມນຳ້ສະຕີງທີ່ດື່ມແລ້ວຈຳນວນ 4 ຊອງ, ຜ່ານການສອບສວນສາມາດໄດ້ຮູ້ເປົ້າໝາຍແມ່ນ:ທ້າວ ອາປີ່ງ(ເຈົ້າຂອງຮ້ານ), ທ້າວ ພອນ, ນາງ ແປ້ງ, ນາງ ໄມ ແລະ ນາງ ປອງ, ຈື່ງໄດ້ກັກຕົວພວກກ່ຽວມາທຳການສືບສວນ-ສອບສວນຫາຜູ້ຮ່ວມຂະບວນການ.