spot_img
Homeຂ່າວຕ່າງປະເທດນາຍົກລັດຖະມົນຕີ ສະໂລວາກີ ຖືກລອບສັງຫານ ບາດເຈັບສາຫັດ

ນາຍົກລັດຖະມົນຕີ ສະໂລວາກີ ຖືກລອບສັງຫານ ບາດເຈັບສາຫັດ

Published on

ອີງຕາມສຳນັກຂ່າວຕ່າງປະເທດລາຍງານໃນວັນທີ 15 ພຶດສະພາ 2024 ຜ່ານມານີ້ວ່າ: ທ່ານ ໂຣເບີດ ຟິໂກ ນາຍົກລັດຖະມົນຕີ ສະໂລວາກີ ຖືກລອບຍິງບາດເຈັບສາຫັດລະຫວ່າງພົບປະປະຊາຊົນ ສ່ວນຜູ້ກໍ່ເຫດເຈົ້າໜ້າທີ່ສາມາດເຂົ້າຈັບກຸມໂຕໄດ້ໃນທີ່ເກີດເຫດ ຫຼັງຈາກເຂົ້າຮ່ວມການປະຊຸມຄະນະລັດຖະມົນຕີ ທີ່ເມືອງຫັນໂລວາ ທາງຕອນກາງຂອງປະເທດ.

ຕາມການລາຍງານຜູ້ເຫັນເຫດການໄດ້ເລົ່າວ່າ: ນາຍົກລັດຖະມົນຕີສະໂລວາກີ ກ່ອນທີ່ຈະຖືກມືປືນທີ່ປົນກັບປະຊາຊົນໄດ້ ຈົກເອົາອາວຸດປືນອອກມາຍິງທັງໝົດ 5 ນັດ ໂດຍ 3 ນັດເຂົ້າບໍລິເວນທ້ອງ, ແຂນ ແລະ ຂາ ໂດຍທີມຮັກສາຄວາມປອດໄພສາມາດຕັບໂຕຄົນຮ້າຍໄດ້ທັນທີ, ສ່ວນນາຍົກໄດ້ຖືກນຳໂຕສົ່ງໂຮງໝໍທ້ອງຖິ່ນຢ່າງເລັ່ງດ່ວນ ກ່ອນທີ່ຈະຖືກນຳໂຕຂຶ້ນເຮືອບິນເຮລິຄອບເຕີເພື່ອໄປໂຮໝໍຢູ່ເມືອງ ແບ້ງສະກາ ບິສຕິກາ ເມືອງທີ່ໃຫຍ່ທີ່ສຸດເພື່ອເຂົ້າຮັບການຜ່າຕັດ ເນື່ອງຈາກອາການໜັກເກີນກວ່າຈະສົ່ງໂຕໄປຜ່າຕັດຢູ່ໂຮງໝໍໃນກຸງບຣາຕິ ສາລາວາ ເຊິ່ງເປັນເມືອງຫຼວງ.

ນາຍົກລັດຖະມົນຕີສະໂລວາກີໄດ້ຮັບການຜ່າຕັດດົນກວ່າ 3 ຊົ່ວໂມງເຄິ່ງອາການຫຼ້າສຸດສາຫັດເປັນຕາຍເທົ່າກັນ ຕາມການລາຍງານຍັງບອກອີກວ່າ: ຜູ້ກໍ່ເຫດເປັນຊາຍອາຍຸ 71 ປີ ເປັນນັກຂຽນ ແລະ ນັກວິຈານການເມືອງອິດສະລະ ເຊິ່ງທາງເຈົ້າໜ້າທີ່ຕຳຫຼວດຢູ່ໃນລະຫວ່າງການສອບສວນເຖິງແຮງຈູງໃຈໃນການກໍ່ເຫດຄັ້ງນີ້ ເບື້ອງຕົ້ນໄດ້ສັນນິຖານວ່າອາດເກີດມາຈາກເລື່ອງການເມືອງ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...