ເມື່ອບໍ່ດົນມານີ້, ລັດຖະບານ ສປປ ລາວ ສົ່ງມອບ ”ຊ້າງເອເຊຍ” ເພດຜູ້ອາຍຸ 3 ປີ 7 ເດືອນ ຈຳນວນ 1 ໂຕ ແລະ ເພດແມ່ ອາຍຸ 3 ປີ 9 ເດືອນ ຈຳນວນ 1 ໂຕໃຫ້ແກ່ ກຳປູເຈຍ ເພື່ອເປັນການເສີມຂະຫາຍສາຍພົວພັນມິດຕະພາບລະຫວ່າງສອງຊາດ.
ທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ປ່າໄມ້ ແລະ ທ່ານ ດິດ ຕິນາ ລັດຖະມົນຕີກະຊວງປ່າໄມ້ ໄດ້ຮ່ວມພິທີມອບ-ຮັບຊ້າງດັ່ງກ່າວທີ່ສວນສັດປ່າຄຸ້ມຄອງ, ທີ່ແຂວງຕາແກ້ວ, ປະເທດກຳປູເຈຍ. ໃນໄລຍະເບື້ອງຕົ້ນຈະມີການສົ່ງຄວານຊ້າງ 2 ຄົນໄປດູແລຊ້າງຄູ່ດັ່ງກ່າວເປັນໄລຍະເວລາ 6 ເດືອນ.
ຂໍ້ມູນ: Xinhua