spot_img
Homeຂ່າວພາຍ​ໃນສືບຕໍ່ຂຶ້ນທະບຽນ! ພະພຸດທະຮູບ ທີ່ພົບຢູ່ດອນເຜິ້ງຄຳ

ສືບຕໍ່ຂຶ້ນທະບຽນ! ພະພຸດທະຮູບ ທີ່ພົບຢູ່ດອນເຜິ້ງຄຳ

Published on

ແຫຼ່ງຂ່າວຈາກ ແຂວງບໍ່ແກ້ວ ໃຫ້ຮູ້ວ່າ: ໃນວັນທີ 7 ພຶດສະພາ 2024, ຄະນະຮັບຜິດຊອບຂັ້ນສູນກາງ, ຂັ້ນແຂວງ ແລະ ຂັ້ນເມືອງ ໄດ້ສືບຕໍ່ຂຶ້ນທະບຽນພະພຸດທະຮູບ ທີ່ຂຸດຄົ້ນໄດ້ຢູ່ດອນເຜິ້ງຄໍາ,ເມືອງຕົ້ນເຜິ້ງ, ແຂວງບໍ່ແກ້ວ ໃຫ້ມີຄວາມລະອຽດຊັດເຈນ ໂດຍໄດ້ອະນາໄມຂັດຜິວພະພຸດທະຮູບດ້ວຍປູນຂາວ ເພື່ອເອົາເສດດິນ, ເສດແຮ່ ແລະ ຝຸ່ນທີ່ຕິດມາຈາກການຂຸດຄົ້ນອອກ ແລ້ວຂັດດ້ວຍນ້ຳມັນງາ ເພື່ອໃຫ້ມີຄວາມເງົາງາມ ແລະ ເປັນການບູລະນະປົກປັກຮັກສາເນື້ອຜິວອົງພະພຸດທະຮູບຕື່ມອີກ, ພ້ອມທັງໄດ້ຂຽນລະຫັດທະບຽນລົງໃສ່ແຕ່ລະອົງ.

อาจเป็นรูปภาพของ 2 คน, ถ้ำบาตู และ วัด

ການຂຶ້ນທະບຽນໄດ້ລະບຸເຖິງຮູບລັກສະນະ, ວັດສະດຸ ທີ່ຜະລິດອົງພະ, ຮູບແບບການຜະລິດ, ສະພາບຄວາມສົມບູນ, ຂະໜາດ, ນ້ຳໜັກ, ແຫຼ່ງທີ່ມາ, ລວດລາຍສິລະປະ, ຈຸດຕຳນິ, ຖ່າຍຮູບໄວ້ ແລະ ອື່ນໆຢ່າງລະອຽດ ເພື່ອໃຫ້ສະດວກໃນການຄຸ້ມຄອງ, ປົກປັກຮັກ ແລະ ກວດສອບໄດ້ໃນຕໍ່ໜ້າ.

อาจเป็นรูปภาพของ 3 คน, วัด และ ข้อความ

ເຊິ່ງການຂຶ້ນທະບຽນ ແລະ ເກັບກຳຂໍ້ມູນພະພຸດທະຮູບດັ່ງກ່າວ ມີຈຳນວນ 200 ກວ່າອົງ ແລະ ວັດຖຸພັນຈຳນວນ 900 ກວ່າສິ້ນສ່ວນ ໂດຍຄະນະຮັບຜິດຂັ້ນສູນກາງ, ຂັ້ນແຂວງ ແລະ ຂັ້ນເມືອງ, ພ້ອມກັນຈັດຕັ້ງປະຕິບັດດ້ວຍຄວາມຮັບຜິດຊອບສູງໃຫ້ສຳເລັດຕາມແຜນທີ່ວາງໄວ້.

อาจเป็นรูปภาพของ 3 คน, วัด และ ข้อความ

ຂຸດຄົ້ນພະພຸດທະຮູບບູຮານທີ່ມີອາຍຸຫຼາຍຮ້ອຍປີ ຢູ່ດອນເຜິ້ງຄໍາ, ເມືອງຕົ້ນເຜິ້ງ, ແຂວງບໍ່ແກ້ວ ເລີ່ມແຕ່ວັນທີ 16-28 ມີນາ 2024, ສາມາດຂຶ້ນທະບຽນສໍາເລັດແລ້ວ ທັງໝົດ 154 ອົງ, ໃນນັ້ນມີທັງພະພຸດທະຮູບທີ່ສົມບູນ ແລະ ບໍ່ສົມບູນ ສ່ວນພະພຸດທະຮູບປາງລີລາ, ພະພຸດທະຮູບໃບໂພ ແລະ ສິນສ່ວນອື່ນໆທີ່ໄດ້ຈາກການຂຸດຄົ້ນ ແມ່ນຍັງບໍ່ໄດ້ຂຶ້ນທະບຽນເທື່ອ ສໍາລັບອົງທີ່ໄດ້ຂຶ້ນລະບຽນແລ້ວສ່ວນຫຼາຍ ມີລັກສະນະສິລະປະລາວລ້ານຊ້າງ.

ຂ່າວ: ປະເທດລາວ

ບົດຄວາມຫຼ້າສຸດ

ຮັບຮອງແລ້ວ “ຕາແສງຊ້າງມີໄຊ” ຢູ່ທີ່ເມືອງໄຊທານີ ນວ ມີທັງໝົດ 23 ບ້ານ

ຮັບຮອງສ້າງຕັ້ງຕາແສງທຳອິດ ຂອງນະຄອນຫຼວງວຽງຈັນ ຢູ່ເມືອງໄຊທານີ ຊື່ວ່າ "ຕາແສງຊ້າງມີໄຊ" ມີ 23 ບ້ານ ໃນວາລະການດຳເນີນກອງປະຊຸມສະໄໝວິສາມັນ ເທື່ອທີ 1 ຂອງສະພາປະຊາຊົນນະຄອນຫຼວງວຽງຈັນ (ນວ) ຊຸດທີ IIໃນວັນທີ...

ໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ.

ພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ. ໃນວັນທີ 20 ພຶດສະພາ 2025 ທີ່ຫໍວັດທະນະທຳໄກສອນພົມວິຫານ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ...

ຜູ້ເຊົ່າແກ້ເຜັດ! ຂ້າງຫ້ອງລັກລ້ຽງໝາ ສົ່ງສຽງດັງ ມີກິ່ນ ເຈີປ່ອຍງູໃຫຍ່ກາງຫ້ອງເຊົ່າເພື່ອເອົາຄືນ

ມິຕິໃໝ່ຂອງການເອົາຄືນ! ຖ້າເຈົ້າລ້ຽງໝາ ຂ້ອຍຈະລ້ຽງງູ. ເປັນອີກໜຶ່ງເລື່ອງລາວທີ່ເປັນກະແສຢູ່ທີ່ປະເທດໄທໃນຕອນນີ້ ເມື່ອມີຜູ້ໃຊ້ບັນຊີເຟສບຸກລາຍໜຶ່ງ ອອກມາໂພສໃນວັນທີ 19 ພຶດສະພາ 2025 ຜ່ານມາ, ພ້ອມພາບ ຄົນມາປ່ອຍງູໃຫຍ່ 2 ໂຕຢູ່ທາງຍ່າງຂອງຫ້ອງເຊົ່າແຫ່ງໜຶ່ງ ເຂດຣັດຊະດາ,...

ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ

ເຈົ້າໜ້າທີ່ກອງກວດກາປ່າໄມ້ ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ ຈົ້າໜ້າທີ່ກອງກວດກາປ່າໄມ້ ແຂວງວຽງຈັນ ໄດ້ລົງກວດກາພົບເຫັນການລັກລອບຕັດໄມ້, ເລື່ອຍໄມ້ຢູ່ເຂດປ່າປ້ອງກັນແຫ່ງຊາດແຫຼ່ງນ້ຳເຟືອງ ແລະ ປ່າຜະລິດແຫ່ງຊາດຫ້ວຍສຽດແຕ່ບໍ່ພົບເຫັນຜູ້ກະທຳຜິດ ຈຶ່ງໄດ້ຢຶດ, ອາຍັດໄມ້ໄວ້, ປັດຈຸບັນເຈົ້າໜ້າທີ່ກອງກວດກາປ່າໄມ້ແຂວງວຽງຈັນຍັງສືບຕໍ່ສົມທົບກັບພາກສ່ວນກ່ຽວຂ້ອງ ສືບສວນ-ສອບສວນ ຊອກຫາເປົ້າໝາຍຜູ້ກະທຳຜິດມາດຳເນີນຄະດີຕາມຂະບວນການຂອງກົດໝາຍ. ອີງຕາມຂໍ້ມູນຈາກກອງກວດກາປ່າໄມ້ແຂວງວຽງຈັນໃຫ້ຮູ້ວ່າ: ໂດຍປະຕິບັດຕາມຄໍາສັ່ງ...