ສຳນັກຂ່າວຕ່າງປະເທດ ລາຍງານໃຫ້ຮູ້ວ່າ: ອາສາສະໝັກຈຳນວນ 10 ຄົນ ໄດ້ສ໋ຍງຊີວິດເຂົ້າໄປຊ່ວຍບັນດາສັດລ້ຽງ ທີ່ຍັງຕິດຄ້າງຢູ່ບໍລິເວນເຂດພູເຂົາໄຟລະເບີດ, ເທິງເກາະຕາກູລັນ, ເຊິ່ງໄດ້ເລີ່ມປະທຸຂຶ້ນມາຕັ້ງແຕ່ວັນທີ 16 ເມສາທີ່ຜ່ານມາ ຈົນຮອດຕອນນີ້ຍັງມີການປະທຸຢູ່ເປັນໄລຍະໆ, ອາສາສະໝັກກຸ່ມນີ້ໄດ້ເຂົ້ສໄປຊ່ວຍສັດລ້ຽງທີ່ເຈົ້າຂອງໄດ້ປ່ອຍຖິ້ມໄວ້ ຫຼັງມີຄຳສັ່ງໃຫ້ອົບພະຍົບອອກຈາກພື້ນທີ່ດັ່ງກ່າວ, ແຕ່ກໍຍັງມີເຈົ້າຂອງບາງກຸ່ມທີ່ອົບພະຍົບອອກມາ ໂດຍບໍ່ຄາດຄິດວ່າຈະຕ້ອງອອກຈາກພື້ນທີ່ເປັນເວລາດົນ ເຮັດໃຫ້ສັດລ້ຽງຫຼາຍຕົວຍັງຄົງຕິດຢູ່ພື້ນທີ່ດັ່ງກ່າວໂດຍບໍ່ມີຄົນເບິ່ງແຍງ.
ເຊິ່ງອາສາສະໝັກກຸ່ມນີ້ສາມາດຊ່ວຍເຫຼືອໝາ, ແມວ, ນົກ ໄດ້ຫຼາຍຕົວ ຫຼັງຈາກທີ່ພາບຖ່າຍບັນດາສັດລ້ຽງທີ່ໄດ້ຮັບການຊ່ວຍເຫຼືອເຜີຍແຜ່ອອກໄປ ກໍມີເຈົ້າຂອງສັດລ້ຽງຫຼາຍຄົນຕິດຕໍ່ມາເພື່ອຂໍຮັບສັດລ້ຽງຄືນ ເພາະບໍ່ຄາດຄິດວ່າພວກເຂົາຍັງມີຊີວິດຢູ່.
ເຖິງແມ່ນການການເຂົ້າຊ່ວຍເຫຼືອໃນພື້ນທີ່ດັ່ງກ່າວແມ່ນມີຄວາມສ່ຽງພູເຂົາໄຟປະທຸອີກຄັ້ງ ຫຼື ນໍ້າລາວາໄຫຼລົງສູ່ທະເລ ອາດເກີດສຶນາມິຂຶ້ນມາເມື່ອໃດກໍໄດ້, ແຕ່ທາງອາສາສະໝັກກໍຍັງຄົງທຳການສືບຕໍ່ຄົ້ນຫາບັນດາສັດທີ່ຢູ່ໃນພື້ນທີ່ດັ່ງ
ກ່າວເພື່ອໃຫ້ກັບຄືນມາຢູ່ກັບເຈົ້າຂອງຄືເກົ່າ.
ຂ່າວ: channelnewsasia