ວັນທີ 11 ທັນວາ 2014 ກະຊວງການເງິນ ຕາງໜ້າລັດຖະບານ ສປປ ລາວ ຮ່ວມກັບທະນາຄານພັດທະນາອາຊີ (ADB)
ໄດ້ເຊັນສັນຍາເງິນກູ້ 15 ລ້ານໂດລາສະຫະລັດ ສຳລັບແຜນງານຄຸ້ມຄອງບໍລິຫານ ແລະ ສ້າງຄວາມອາດສາມາດການຄຸ້ມ
ຄອງຂະແໜງການລັດ ໄລຍະ 2 ລົງນາມໃນສັນຍາຄັ້ງນີ້ມີທ່ານນາງ ທິບພະກອນ ຈັນທະວົງສາ ລັດຖະມົນຕີຊ່ວຍວ່າ
ການກະຊວງການເງິນ ແລະ ທ່ານນາງ ແຊັນດຣາ ນິໂຄລ ຫົວໜ້າຫ້ອງການຜູ້ຕາງໜ້າທະນາຄານພັດທະນາອາຊີ ປະ
ຈຳ ສປປ ລາວ ໂດຍຊ້ອງໜ້າພະນັກງານທີ່ກ່ຽວຂ້ອງທັງສອງຝ່າຍ.
ເພື່ອເປັນການສະໜັບສະໜູນການບັນລຸເປົ້າໝາຍ ການບໍລິຫານພາກລັດທີ່ດີຈະເປັນກຸນແຈສຳຄັນ ໃນການປ່ຽນ
ແປງແລະ ສ້າງຄວາມເຂັ້ມແຂງໃຫ້ແກ່ບັນດາຂະແໜງການຕ່າງໆ ດຳເນີນວຽກງານສຳເລັດຕາມເປົ້າໝາຍ ວຽກ
ງານປັບປຸງການຄຸ້ມຄອງບໍລິຫານພາກລັດ ໄດ້ກາຍເປັນບຸລິມະສິດຂອງລັດຖະບານ ທີ່ໄດ້ລະບຸໃນແຜນພັດທະນາ
ເສດຖະກິດ-ສັງຄົມແຫ່ງຊາດ 5 ປີ 2011-2015 ຄັ້ງທີ 7 ແລະ ຈະສືບຕໍ່ດຳເນີນໃນແຜນ 5 ປີຄັ້ງທີ 8 ເຊິ່ງໄດ້ສຸມໃສ່
ການປັບປຸງນະໂຍບາຍ ການຄຸ້ມຄອງບໍລິຫານພາກລັດ ດ້ວຍການສ້າງຄວາມເຂັ້ມແຂງດ້ານບໍລິການໃນຂົງເຂດ
ຕ່າງໆ ເຊັ່ນ: ການຄຸ້ມຄອງການເງິນພາກລັດ ການບໍລິຫານລັດ ການສົ່ງເສີມການເປັນຄູ່ຮ່ວມລະຫວ່າງພາກລັດ
ແລະ ເອກະຊົນ ໃນບັນດາໂຄງການລົງທຶນກໍ່ສ້າງພື້ນຖານຕ່າງໆ ແລະ ການສົ່ງເສີມຄວາມສະເໝີພາບບົດບາດ
ຍິງ-ຊາຍ.
ການສະໜອງເງິນກູ້ຂອງທະນາຄານພັດທະນາອາຊີ ແມ່ນແບ່ງອອກເປັນ 2 ໄລຍະ ແຕ່ປີ 2010-2012 ແລະ ແຕ່ປີ
2012-2014 ຍ້ອນການຮ່ວມມືທີ່ດີ ລະຫວ່າງກະຊວງການເງິນ ຕາງໜ້າລັດຖະບານ ສປປ ລາວ ປັດຈຸບັນໄດ້ສຳເລັດ
ການຈັດຕັ້ງປະຕິບັດ ແຜນງານຄຸ້ມຄອງບໍລິຫານ ແລະ ສ້າງຄວາມອາດສາມາດການຄຸ້ມຄອງຂະແໜງການລັດ
ໄລຍະ 2 ເຊິ່ງປະກອບມີ 9 ເງື່ອນໄຂນະໂຍບາຍຕົ້ນຕໍ ແລະ 10 ໜ້າວຽກອີງໃສ່ຜົນສຳເລັດດັ່ງກ່າວ ສະພາບໍລິຫານທະ
ນາຄານພັດທະນາອາຊີ ຈຶ່ງໄດ້ອະນຸມັດເງິນກູ້ຈຳນວນ 15 ລ້ານໂດລາ ໃຫ້ແກ່ ສປປ ລາວ ເພື່ອນຳໃຊ້ເຂົ້າໃນການຈັດ
ຕັ້ງປະຕິບັດ ບັນດາວຽກງານບຸລິມະສິດຂອງລັດຖະບານ ທີ່ລະບຸໃນແຜນພັດທະນາເສດຖະກິດ-ສັງຄົມ ໃນແຕ່ລະ
ໄລຍະ.
ແຫລ່ງຂ່າວ: ວຽງຈັນໃໝ່