ເມື່ອບໍ່ດົນມານີ້, ເຈົ້າໜ້າທີ່ດ່ານສາກົນມິດຕະພາບລາວ-ໄທ ແຫ່ງທີ 3 ນະຄອນພະນົມ ໄດ້ຈັບຊາຍສັນຊາດລາວ, ອາຍຸ 50 ປີ ພ້ອມຂອງກາງຢາເສບຕິດປະເພດຢາບ້າ ຈຳນວນ 200.000 ເມັດ ທີ່ຊຸກເຊື່ອງໃນລຳໂພງເຄື່ອງສຽງຂອງລົດ.
ເບື້ອງຕົ້ນເຈົ້າໜ້າທີ່ ສາມາດຈັບຜິດສັງເກດ ຈຶ່ງໄດ້ນຳເອົາລົດຄັນດັ່ງກ່າວເຂົ້າເຄື່ອງສະແກນ ເຫັນວ່າມີສິ່ງຂອງແປກປອມຢູ່ພາຍໃນລຳໂພງ ແລະ ໄດ້ທຳການກວດຄົ້ນເບິ່ງ ຈຶ່ງພົບຢາບ້າຈຳນວນດັ່ງກ່າວ.
ຜູ້ກະທຳຜິດສາລະພາບວ່າ: ເປັນການຮັບຈ້າງຂັບລົດໃຫ້ນາຍທຶນ ໂດຍໃຊ້ລົດປ້າຍທະບຽນໄທ ຈັງຫວັດອຸດອນ ນາຍທຶນບອກແຕ່ວ່າໃຫ້ຂັບລົດໄປສົ່ງ ໂດຍບໍ່ໄດ້ບອກວ່າມີຫຍັງຢູ່ໃນລົດ ນຶກວ່າເປັນພຽງຊາກສັດປ່າ ແລະ ຊິ້ນສ່ວນສັດຫວງຫ້າມເທົ່ານັ້ນ ຜ່ານມາຄັ້ງທຳອິດເຄີຍຂັບໄປໄວ້ຈຸດນັດໝາຍ ແລ້ວກໍຈະມີຄົນມາຂັບເອົາໄປ ສ່ວນຕົນເອງກໍໄປເລາະທ່ຽວຖ້າເຖິງເວລາ ແລ້ວກໍຈະຂັບມາສົ່ງຈຸດນັດໝາຍພ້ອມເງິນຄ່າຈ້າງ ແຕ່ເທື່ອກ່ອນລອດມາໄດ້ ນຶກວ່າຮອບນີ້ໜ້າຈະບໍ່ມີຫຍັງຜິດ ແຕ່ສຸດທ້າຍກໍຖືກຈັບ.
ຂ່າວ: Vientiane Times