ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໄດ້ລາຍງານການເກີດ ແຜ່ນດິນໄຫວຢູ່ທີ່ ແຂວງ ເຊກອງ ເມື່ອເວລາ 10:07 ນາທີ ຂອງວັນທີ 3 ພຶດສະພາ 2024, ຄວາມແຮງສັ່ນສະເທືອນວັດແທກ ໄດ້ 4.2 ຣິກເຕີ, ຈຳນວນ 1 ຄັ້ງ, ເຊິ່ງມີຄວາມເລີກຈາກເທິງໜ້າດິນປະມານ 10 Km ຈຸດສູນກາງເກີດແຜ່ນດິນໄຫວຢູ່ລະຫວ່າງຊາຍແດນ ເມືອງກະລຶມ ແລະ ເມືອງລະມາມ ຂອງແຂວງເຊກອງ.
ເຊິ່ງຈຸດເກີດແຜ່ນດິນໄຫວແມ່ນ ຫ່າງຈາກເທດສະບານເມືອງກະລຶມ ປະມານ 16 ກິໂລແມັດ ແລະ ຫ່າງຈາກ ເທດສະບານເມືອງລະມາມ ປະມານ 28 ກິໂລແມັດ. ສ່ວນເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
ຂ່າວ: ປະເທດລາວ