ປກສ ແຂວງໄຊສົມບູນ ໄດ້ທຳລາຍອາວຸດລ່າເນື້ອ ເມື່ອວັນທີ 29 ເມສາທີ່ຜ່ານມາ, ເຊິ່ງສາມາດຍຶດໄດ້ທັງໝົດ 220 ກະບອກ, ໃນນັ້ນມີອາວຸດເສິກ 24 ກະບອກ , ລູກປືນ 55 ລູກ, ອາວຸດພື້ນເມືອງ 196 ກະບອກ, ເລົາປືນ 25 ເລົາ, ລະເບີດ 3 ໜ່ວຍ, ໝໍ້ຊ໊ອດປາ 8 ໜ່ວຍ ແລະ ໝໍ້ໄຟ 2 ໜ່ວຍ.
ອາວຸດ ແລະ ເຄື່ອງຕ້ອງຫ້າມທີ່ນຳໃຊ້ບໍ່ຖືກຕ້ອງຕາມລະບຽບກົດໝາຍເຫລົ່ານີ້ເຈົ້າໜ້າທີ່ສາມາດເກັບກູ້ມາໄດ້ຈາກ ການປະຕິ ບັດຕາມຄຳສັ່ງຂອງກະຊວງປ້ອງກັນຄວາມສະຫງົບວ່າດ້ວຍການຮີບໂຮມຂຶ້ນບັນຊີຄຸ້ມຄອງອາວຸດເສິກ, ຄັງລ້ຽງສັດຂອງປະຊາຊົນຢູ່ເຂດຫ່າງໄກສອກຫຼີກ, ເລີກຮື້ອາວຸດເຖື່ອນ, ປືນແກັບ, ປືນປໍ້, ໝໍ້ຊ໊ອດປາ, ທາດແຕກ, ທາດລະເບີດ, ການເຄື່ອນໄຫວອື່ນໆ ທີ່ພົວພັນເຖິງຄວາມບໍ່ສະຫງົບ, ບໍ່ຖືກຕ້ອງຕາມລະບຽບກົດໝາຍ.
ຂ່າວ: ປກສ ແຂວງໄຊສົມບູນ