ພັທ ສິງຄໍາ ລໍວັນໄຊ ຫົວໜ້າກອງບັນຊາການປ້ອງກັນຄວາມສະຫງົບ ເມືອງປາກງຶ່ມ ນະຄອນຫຼວງວຽງຈັນ, ໄດ້ໃຫ້ສໍາພາດວ່າ: ໃນໄລຍະ 3 ປີຜ່ານມາ, ໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຄະນະພັກ-ຄະນະນໍາ ກອງບັນຊາການປ້ອງກັນຄວາມສະຫງົບ ເມືອງປາກງຶ່ມ ໄດ້ປະຕິບັດຕາມ 6 ວຽກງານຈຸດສຸມ ໃນການແກ້ໄຂບັນຫາຢາເສບຕິດ, ຕິດພັນກັບການຫັນລົງກໍ່ສ້າງຮາກຖານການເມືອງ ໃນການແກ້ໄຂປະກົດການຫຍໍ້ທໍ້ທົ່ວສັງຄົມ
ໃນນີ້ສຸມໃສ່ວຽກງານຈຸດສຸມການລົງໂຄສະນາລະ ບຽບກົດໝາຍ ແລະ ຜົນຮ້າຍຂອງບັນຫາຢາເສບຕິດຢູ່ໂຮງ ຮຽນ, ໂຮງຈັກ-ໂຮງງານ, ຈຸດຊຸມຊົນຢູ່ໃນ 53 ບ້ານ ຂອງເມືອງປາກງື່ມ, ໄດ້ 135 ຄັ້ງ, ມີຜູ້ເຂົ້າຮ່ວມຮັບຟັງ 19,427 ຄົນ ແລະ ພ້ອມນີ້ ໄດ້ກໍານົດພື້ນທີ່ໆມີຄວາມສ່ຽງ ໄດ້ 21 ຈຸດ, ກໍານົດເປົ້າໝາຍລາຍໃຫຍ່ ໄດ້ 61 ຄົນ, ລາຍກາງ 150 ຄົນ ແລະ ລາຍຍ່ອຍ 250 ຄົນ ແລະ ເປົ້າໝາຍເສບ 569 ຄົນ, ຍິງ 38 ຄົນ, ໃນນີ້ໄດ້ສຶກສາອົບຮົມແລ້ວ 442 ຄົນ. ຜ່ານການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ນັບແຕ່ປີ 2021- 2023 ສາມາດຍາດໄດ້ຜົນງານຜົນສໍາເລັດຄື: ແກ້ໄຂເປົ້າໝາຍຢາເສບຕິດໄດ້ 167 ເລື່ອງ, ກັກຕົວຜູ້ຖຶກຫາໄດ້ 296 ຄົນ, ຍິງ 26 ຄົນ, ຍຶດຢາເສບ ຕິດປະເພດຕ່າງໆໄດ້ຄື: ຢ່າບ້າ 4 ແສນກວ່າເມັດ, ຢາໄອ້ 4 ກຣາມ, ລົດໃຫຍ່ 12 ຄັນ, ລົດຈັກ 35 ຄັນ, ຄໍາຮູບປະພັນ 3 ບາດ ແລະ ອື່ນໆ.
ຂ່າວ: ສະຫຍາມ