ເມື່ອບໍ່ດົນມານີ້, ເຈົ້າໜ້າທີ່ວິຊາສະເພາະໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງບາຈຽງ ໄດ້ຮັບການລາຍງານຈາກພົນລະເມືອງດີວ່າ:ມີກຸ່ມຄົນບໍ່ດີຈໍານວນໜຶ່ງໄດ້ມີການເຄື່ອນໄຫວ ຄ້າຂາຍຢາເສບຕິດ (ປະເພດຢາບ້າ) ຢູ່ເຂດ ບ້ານໂນນອຸດົມ, ເມືອງບາຈຽງ ແຂວງຈຳປາສັກ.ພາຍຫຼັງທີ່ໄດ້ຮັບການລາຍງານແລ້ວເຈົ້າໜ້າທີ່ວິຊາສະເພາະຈຶ່ງໄດ້ລົງຕິດຕາມແຫຼ່ງຂ່າວເຫັນວ່າ:ມີມູນຄວາມຈິງແທ້ ແລະ ສາມາດກັກຕົວເປົ້າໝາຍໄດ້ 3 ຄົນ.

– ທ້າວ ບຸນມີ, ອາຍຸ 18 ປີ, ເຮັດສວນ ຢູ່ບ້ານ ໂນນອຸດົມ, ເມືອງ ບາຈຽງ, ແຂວງ ຈຳປາສັກ ພ້ອມຂອງກາງຢາບ້າຈໍານວນ 101 ເມັດ.

– ທ້າວ ໂຫຼ້ຍ, ອາຍຸ 28 ປີ ເຮັດສວນ ຢູ່ບ້ານ ໂນນອຸດົມ ເມືອງ ບາຈຽງ ແຂວງ ຈຳປາສັກ ພ້ອມຂອງກາງຢາບ້າຈໍານວນ 203 ເມັດ.

– ທ້າວ ນິພົນ, ອາຍຸ 33 ປີ ເຮັດສວນຢູ່ບ້ານ ພູດິນອ່ອນ, ເມືອງ ປາກຊ່ອງ ແຂວງຈຳປາສັກ, ພ້ອມຂອງກາງຢາບ້າຈໍານວນ 2176 ເມັດ.

ພາຍຫຼັງຈັບກຸມຕົວພວກດັ່ງກ່າວໄດ້ແລ້ວ, ເຈົ້າໜ້າທີ່ຈະໄດ້ທຳການສືບສວນສອບສວນພ້ອມນໍາຕົວໄປດຳເນີນຄະດີຕາມລະບຽບກົດໝາຍ.

ຂ່າວ: ຫ້ອງຂ່າວກອງບັນຊາການ ປກສ ແຂວງຈຳປາສັກ.