ສຳນັກຂ່າວຕ່າງປະເທດລາຍງານໃນວັນທີ 25 ເມສາ 2024 ກ່ຽວກັບເຫດການທີ່ຜູ້ປະກາດຂ່າວຍິງ ຊາວອິນເດຍ ໝົດສະຕິ ຂະນະຖ່າຍທອດສົດລາຍການຂ່າວທາງໂທລະທັດ ເຖິງວ່າຫ້ອງສະຕູດີໂອຈະຕິດແອແຕ່ອາກາດໃນມື້ນັ້ນຮ້ອນທະລຸເຖິງ 40 ອົງສາ.
ຕາມການລາຍງານ: ຜູ້ປະກາດຂ່າວຍິງຂອງສະຖານີໂທລະທັດຊ່ອງດູດາຊານ ບັງກະລາ ນິວ ລັດເບັງກໍຕາເວັນຕົກ ຂອງອິນເດຍ ເປັນລົມໝົດສະຕິຂະນະກຳລັງອ່ານຂ່າວ ແລະ ຖ່າຍທອດສົດຈົນສ້າງຄວາມຕົກໃຈໃຫ້ກັບຄົນເບິ່ງ ແລະ ໝູ່ຮ່ວມງານ ຄາດສາເຫດມາຈາກອາກາດທີ່ຮ້ອນເກີນໄປ ອຸນກະພູມສູງກວ່າ 40 ອົງສາ ໃນຂະນະທີ່ເຈົ້າໜ້າທີ່ອິນເດຍເປີດເຜີຍວ່າເ ລັດເບັງກໍຕາເວັນຕົກຕ້ອງພົບກັບສະພາບອາກາດທີ່ຮ້ອນເອົ້າ ຈາກຄື້ນຄວາມຮ້ອນທີ່ແຜ່ຂະຫຍາຍປົກຄຸມ.
ຜູ້ປະກາດຂ່າວຍິງໄດ້ກ່າວວ່າ: ຮູ້ສຶກວ່າຮ້ອນຜິດປົກກະຕິ ແລະ ຄວາມດັນຕົກ, ຮູ້ສຶກບໍ່ສະບາຍ ກ່ອນທີ່ຈະເປັນລົມ ຕົນຄິດວ່າການດື່ມນ້ຳສາມາດຊ່ວຍໄດ້ ຈຶ່ງຂໍໃຫ້ຜູ້ຈັດການສົ່ງນ້ຳມາໃຫ້ອີກ ເຖິງໃຫ້ຫ້ອງສະຕູດີໂອມີການຕິດເຄື່ອງປັບອາກາດ ທີ່ສາມາດສ້າງຄວາມເຢັນ ແຕ່ກໍບໍ່ໄດ້ຊ່ວຍຫຍັງຫຼາຍເນື່ອງຈາກອາກາດໃນມື້ນັ້ນຮ້ອນເກີນ.
ເລື່ອງລາວດັ່ງກ່າວເປັນອຸທາຫອນສຳລັບທຸກໆຄົນທີ່ຕ້ອງເຮັດວຽກສູ້ກັບອາກາດທີ່ຮ້ອນໃນໄລຍະນີ້ ຂໍໃຫ້ທຸກຄົນຈົ່ງຫຼີກລ່ຽງການອອກແດດ ຫຼື ດື່ມນ້ຳໃຫ້ຫຼາຍ ເນື່ອງຈາກອາກາດຮ້ອນສາມາດເຮັດໃຫ້ເົຮາກະຫາຍນ້ຳ ແລະ ໝົດສະຕິຄືກັບເຫດການຂ້າງຕົ້ນນີ້.