ເມື່ອບໍ່ດົນມານີ້, ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈໍາປາສັກ ໄດ້ລົງມ້າງຄະດີຄ້າຂາຍຢາເສບຕິດ (ຢາບ້າ) ຢູ່ເຂດ ບ້ານຫຼັກ 33, ເມືອງ ປາກຊ່ອງ, ແຂວງຈໍາປາສັກ ແລະ ສາມາດກັກຕົວຜູ້ຖືກຫາໄດ້ 9 ຄົນ, ພ້ອມເຄື່ອງຂອງກາງຢາເສບຕິດ(ຢາບ້າ) ຈຳນວນ 678 ເມັດ.ເຊິ່ງຜູ້ຖືກຫາໃນຄັ້ງນີ້ມີ:

– ທ້າວ ລັກສະນະ ອາຍຸ 26 ປີ ຊາວສວນ, ບ້ານຫຼັກ33 , ເມືອງປາກຊ່ອງ, ແຂວງຈໍາປາສັກ ຖືກກັກໂຕໃນຂໍ້ກ່າວຫາ: ຄ້າ-ຂາຍຢາເສບຕິດ ແລະ ເສບຢາເສບຕິດ, ເຄື່ອງຂອງກາງ ແລະ ຂອງຕິດຕົວມີ: ຢາບ້າຈໍານວນ 59 ເມັດໂທລະສັບ 1 ໜ່ວຍ, ເງີນກີບຈໍານວນ 590.000 ກີບ.
– ທ້າວ ໄຊຍະວອນ (ເອັກ) ອາຍຸ 17 ປີ, ຊາວນາ ບ້ານຫຼັກ 33, ເມືອງປາກຊ່ອງ ແຂວງຈໍາປາສັກຖືກກັກໂຕໃນຂໍ້ກ່າວຫາ: ຄ້າ-ຂາຍຢາເສບຕິດ ແລະ ເສບຢາເສບຕິດ, ເຄື່ອງຂອງກາງ ແລະ ຂອງຕິດຕົວມີ: ຢາບ້າຈໍານວນ 601 ເມັດ, ໂທລະສັບ 1 ໜ່ວຍ, ລົດຈັກ 1 ຄັນ, ເງີນກີບຈໍານວນ 200,000 ກີບ.
– ທ້າວ ທອງດໍາ ອາຍຸ 36 ປີ, ຊາວສວນ, ບ້ານຫຼັກ 36, ເມືອງປາກຊ່ອງ, ແຂວງຈຳປາສັກ ຖືກກັກໂຕໃນຂໍ້ກ່າວຫາ: ຄ້າ-ຂາຍຢາເສບຕິດ ແລະ ເສບຢາເສບຕິດ ເຄື່ອງຂອງກາງ ແລະ ຂອງຕິດຕົວມີ: ຢາບ້າ ຈຳນວນ 18 ເມັດ, ໂທລະສັບ 2 ໜ່ວຍ, ລົດຈັກ 1 ຄັນ.
– ທ້າວ ຕື້ ອາຍຸ 28 ປີ ຊາວນາ, ບ້ານຫຼັກ 33 ເມືອງປາກຊ່ອງ, ແຂວງຈຳປາສັກ ຖືກກັກໂຕໃນຂໍ້ກ່າວຫາ ເສບຢາເສບຕິດປະເພດຢາບ້າ, ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 1 ໜ່ວຍ, ລົດຈັກ 1 ຄັນ.
– ທ້າວ ໜຸ່ມ ອາຍຸ 22 ປີ ຊາວສວນ, ບ້ານຫຼັກ 35 ເມືອງປາກຊ່ອງ, ແຂວງຈຳປາສັກ, ຖືກກັກໂຕໃນຂໍ້ກ່າວຫາ: ເສບຢາເສບຕິດ (ຢາບ້າ)ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 1 ໜ່ວຍ.
– ທ້າວ ລັກ ອາຍຸ 24 ປີ ຊາວສວນ, ບ້ານຫຼັກ33 ເມືອງປາກຊ່ອງ, ແຂວງຈໍາປາສັກ ຖືກກັກໂຕໃນຂໍ້ກ່າວຫາ: ເສບຢາເສບຕິດ.
– ທ້າວ ພັນກອນ ອາຍຸ 42 ປີ ຊາວສວນ, ບ້ານ ສົມສະໜຸກ, ເມືອງປາກຊ່ອງ , ແຂວງຈຳປາສັກ.
ຖືກກັກໂຕໃນຂໍ້ກ່າວຫາ : ເສບຢາເສບຕິດ ເຄື່ອງຂອງກາງ ແລະ ຂອງຕິດຕົວມີ: ລົດຈັກ 1 ຄັນ.
– ທ້າວ ກິໂດມ ອາຍຸ 20 ປີ ຊາວສວນ, ບ້ານຫຼັກ 38 ເມືອງປາກຊ່ອງ, ແຂວງຈຳປາສັກ ຖືກກັກໂຕໃນຂໍ້ກ່າວຫາ: ເສບຢາເສບຕິດ, ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 1 ໜ່ວຍ, ລົດຈັກ 1 ຄັນ.
– ທ້າວ ພູຂັນ ອາຍຸ 30 ປີ ບ້ານຫຼັກ33, ເມືອງປາກຊ່ອງ, ແຂວງຈຳປາສັກ ຖືກກັກໂຕໃນຂໍ້ກ່າວຫາ: ເສບຢາເສບຕິດ, ເຄື່ອງຂອງກາງ ແລະ ຂອງຕິດຕົວມີໂທລະສັບ 1 ໜ່ວຍ.

ປະຈຸບັນຄະດີດັ່ງກ່າວຍັງຢູ່ຂັ້ນຕອນສືບສວນ-ສອບສວນຂອງເຈົ້າໜ້າທີ່ວິຊາສະເພາະເພື່ອຊອກຫາຜູ້ຮ່ວມຂະບວນການມາລົງໂທດຕາມລະບຽບກົດໝາຍ.

ຂ່າວ: ຫ້ອງຂ່າວກອງບັນຊາການ ປກສ ແຂວງຈຳປາສັກ.